حسب الطلب بكتب عن المراه بصوره عاجله=باصور المراه لكم باربع صور متشابهات
امي هي المراه وبعد الام اختي الفاضله=من اسهمن في تربية لجيال اولاد اوبنات
والبنت ايضا مثل ما الزوجه سراج العائله=مضرب مثل للمسلمات الطيبات الصالحات
واجمل وارق واروع مره من هي لقلبي شاغله=لي لجلها نبضه يقل ويزيد لايوم الممات
من احيت ابقلبي شرايينه وقدها ذابله=واستا ثرت به وحدها من حيث ماراحت وجات
من حيث ماحلة احل لو هي بصحرى قاحله=عندي كما واحات خضرى بين دجله والفرات
تحت القمر والشمس هي رمز الجمال الازله=من دونها الدنيا كما جنه بدون الحوريات
عندي محبتها بقاع القلب ماهي زائله=لا استخلصوها الناس باتطلع قصص ومسلسلات
قصة هوى عذري من الماضي بذهني ماثله=ياكم وكم حاولت ابقيها مجرد ذكريات
خفت اللجان اتكون عن قصة حياتي سائله=دونت بعض افصولها ضمن السطور الاولات
والا المره الاولى هي الام الحنون العادله=ام العواطف والمحبه والوفاء والتضحيات
ام العطاء لي من عطاها سلسله متواصله=تعطي ولا تاخذ بما تعطي ثمن للمعطيات
هي من مهرته عا كبدها تسعة اشهر كامله=قبل السهر حول المهد لجلي ليالي مظلمات
ذا غيظ من فيض الامومه في الحياه الشامله=لي فضلها دائم علي وعليك من كل الجهات
وبما سبق مرضات امك فرض ماهي نافله=جد وارضها لان الجنان اسفل قدام الامهات
واضح عطاء المراه في الدنيا بصوره هائله=ام او شريكة عمر او محبوبه او اخت وبنات
في صبرهن مثل البواسق تحت شمس القائله=رغم العنا يعطن بلا منه حميدات الصفات
والباسقه نخله لها قصه عظيمه حاصله=جادت على مريم بهز الجذع والقت طيبات
هذاالذي عندي عن المراه الوقور العاقله=مالي سنع بالعاهره والكاسيات العا ريات