[معشور]

اقتباس : المشاركة الأصلية كتبت بواسطة عيون المكلا [ مشاهدة المشاركة ]

عيون المكلا : قد كنت نبراس نوره مانطفئ ساعه = تدخل بحراس للمحفل وفي القاعه تقول كلمه في المكشوف والمستور = ماحل بنا الياس من عودتك يامسرور ندك مضر حاس ماله عندنا طاعه = والناس اجناس ضراره ونفاعه حد له التواضع وحد ياالنوخذه مغرور = ماحل بنا اليأس من عودتك يامسرور لاتوطي الرأس كن واثق وبقناعه = اجراسك اجراس والجمهور سماعه وتعرف البن في محماسها وقشور = ماحل بنا الياس من عودتك يامسرور جزئية الكاس ماهي دوب شماعه = امليه بحساس وعاخصمك تجراعه قدها مقاله المرغوب ذي محضور = ماحل بنا اليأس من عودتك يامسرور الواقعي : مرصون با داس وامكتّف من ارباعه=ماهو بمكناس متحكّم في اوضاعه ولا بشبعا ولا في قلعة الدامور=ما حل بنا الياس من عودتك يا مسرور عيون المكلا: مايرتصن ساس وذلا كذب واشاعه = مابين اقواس انجازه وابداعه مأجور أستاذنا يالواقعي مأجور = ماحل بنا اليأس من عودتك يامسرور أبوفضل سالم : عليه لاباس لي هم كسروا اذراعه=من ضربة الفاس ورجاجيل قطاعه بالشأن ياعيون يجبرعضمه المكسور =ماحل بنا الياس من عودتك يامسرور ما عند جساس لاقدره ولاشجاعه =معروف في الناس يوم العهد قد باعه في مسلسل الزير قالوا كليب لي مغدور= ماحل بنا الياس من عودتك يامسرور ماعرفت عباس من دباس ياجماعه=والفكر محتاس ماحصلت ولاعه والكهرباء طافيه واصطاعوا الجمهور= ماحل بنا الياس من عودتك يامسرور لاعرفت دباس باانصغه بكراعه= بشبعه دكاس يستاهل له الراعه ذلا يمص العسل شغله كمالجهور=ماحل بنا الياس من عودتك يامسرور عيون المكلا: افراح واعراس ماهو صوت صرقاعه = مسرور حساس مايحكي بأوجاعه يعرفه عنتر ولايجهله بامجبور = ماحل بنا اليأس من عودتك يامسرور للبحر غطاس وللاثقال رفاعه = ذهب والماس ومعادنك لماعه لكن مسرور يعرف هزة البابور = ماحل بنا اليأس من عودتك يامسرور شتله واغراس وبساتين وزراعه = ماهو تهجاس وصب ابيات لذاعه أم اليتامى عليهانور فوقه نور = ماحل بنا اليأس من عودتك يامسرور اخماس واسداس وتهاويل واذاعه = وسواس خناس ماهي حلول نجاعه كل الدوائر عليه المفتري بتدور = ماحل بنا اليأس من عودتك يامسرور

بعد ذا كله ولاجاء طويل العمر ,كااااااااااااااااااااااااااان يامسرووووووور كااااااااااااان .احسنتي اختنا الكريمة عطيتي كل حد حقه وزود فمان الله .