ذي النماره قال جريت ونّات =في ليل قضيته هموم وتفاكير
حان السفر والجوف مليان حنّات=والعين تبكي والمدامع طوابير
ابكي على فرقا القلوب الرحيمات=اللي لهم عندي معزه وتقدير
اهلي وربعي لي في القلب نبضات=واصحاب من عز الرجال المغاوير
من عندهم ماسارت الرجل خطوات=وكأن شي في الدرب شوك ومسامير
بداية المشوار عقبه نهايات=ولابد مايحصل في الحال تغيير
الوقت رحله والليالي محطات=في الاوله تنزل تنورك تنوير
والثانيه يمكن تتدخلك ظلمات= بعد الصفاء صفوك تعكره تعكير
الله لايقوله عسى كل الاوقات=تمضي علينا في سعاده وتيسير
واختامها بااسم النبي واحكم آيات=فيها لكل مؤمن بربه تباشير
بالجنه العليا منا الروح والذات=اعمل لها واحذر في الدين تقصير