[سالم علي الجرو]

االقصيدة التالية منسوبة إلى صيعيري ، نقلتها لما تحمله من المعاني والدّلالات ، وتعتبر من القصائد الخالدة

يا سيف سامرني على شبـّة النـار=وقرّب لنا مـن بـن خـولان دلـّّهْ
فنجالها يبري من النفـس الاكـدار=ويـداوي المعتـل مـن كـل علـّهْ
اسمع كلامي زيـن والوقـت دوار=ولغـز المراجـل لازم انـك تحلـّهْ
الفقر ما هو فقـر درهـم ودينـار=الفقـر والله فـي القلـوب المغلّـهْ
اللـي مؤشرهـا منكـس ومنهـار=وتزل فـي الساعـة ثلاثيـن زلـّهْ
وقت الطلب فقرا وباليسـر تجـار=باعوا ضمايرهـم مفـرّق وجملـهْ
لو ملكهم يسوى مجـرات وأقمـار=وتتصدر اسماهـم غـلاف المجلـّهْ
في عيني اصغر من سواليف واخبار=-منقولـةٍ مـن نـذل طبعـه يذلـّهْ
ماني بطاريهـا ولا بطلـب الثـار=ولا بناشـد عـن خيـوط الادلــّهْ
اعرف مكاني بين وافيـن الأشبـار=وخل الـرّدي يبطـي بعلّتـه خلـّهْ
وان شفتني يا سيف ضايق ومحتار=لا تقول شايبنا وش اللـي حصلـه
قلبي من الفرقا على جمـرة النـار=ونار الهوى تشعل في الصدر كلـه
على الـذي قفـا ولا رد الأخبـار=وسيف المفارق في طريقـي يسلـه
من بعد مـا كنـا حبايـب وشعـار=وريقي على طاريه كل يـوم ابلـه
اقفى وأنا واقـف محطـم ومنهـار=وأعلـن بأنـه دولــةٍ مستقـلـّة