قصيده للشا عر ناجي بازراره النعماني
عنوان القصيده
الحظ المعاكس
قال خو يسلم البداع حظي معاكس = حظ ماساعد الشاعر وخابت ظنونه
والحليله معي فعلا وسبعه هواجس = يوزنون الذهب قال الفتى يوزنونه
بعد مازاد شوقي والمنافس ينافس = بنتظر ردكم يهل القلوب الحنونه
تذكرون اللقاء لي في صفوف المدار س = او نسيتوا وشليتوا العنب من غصونه
في هواكم سريت الليل والبرد قارس = وارتفع شان مظنوني وسدد ديونه
يلمحبين لبغاء وعد في شهر مارس = وعد مظمون والعنبر بينفح دخونه
لاتلومون ذي يمسي على الفرش جالس = السهر حالفه مبلي وزادت شجونه
والعواذل رموني بين برقه وقابس = يظلمونه رقيق العاطفه يظلمونه
كيف سوي وانا في لتجاه المعاكس = ياقنيص الضباء والوعل حاني قرونه
شل عقلي المحب راعي العيون النواعس = كامل الوصف عذبني مكحل عيونه
خظر الريف ليلة مر والريف يابس = واغتنم فرصته خلي وانا في سهونه
قبل اصبح ظحيه في وسط نار عابس = كل شي بقبله والعهد لا مابخونه
والرسائل تجيني عبر هاتف وفاكس = والمطر شن والبدوي بتذهب شطونه
من ربى اب لخظر لطويله لداعس = صار مظلوم من هاجر وفارق حصونه
يوم تهبط وتقلع طائرات الاواكس = يذكر الاهل والخلان لي يذكرونه
زان حظه وسوى له على الدار حارس = مابيختاف قد عنده حرس يحرسونه
والصحاري تباء يازين انسان فارس = مايفكر في الحساد لي يحسدونه
والمشقه على شاعر مثقف ممارس = في ثواني رجع مقلوب شكله ولونه