--------------------------------------------------------------------------------
بسم الله الرحمن الرحيم
السلام عليكم ورحمة الله وبركاته
وكل عام والجميع بخير ومن العايدين، اما بعد: فهذه قصيده كتبت على عجلــه في ضرفها عن بعض العرب اترككم مع
بعض العرب
قالوا الاناء من قبل ينضح بما فيـه=والكفو يعرف في المواقف وعـده
بعض العرب مقدام ياحـي طاريـه=مثلـه ولـو عـاداك لازم تــوده
وبعض العرب من جد ودك تلاقيـه=وتجلس معه من حسن الاخلاق مده
وبعض العرب الله وش كثر تغليـه=ويبان لك بأقسى المواقف بحقـده
وبعض العرب جواد بيضاء اياديـه=وارث فعال فعال الطيب عن جد جده
وبعض العرب بالشح مقطوعه ايديه=ولامن لفاه الضيف خصمه وضـده
وبعض العرب في الجد كحد جنبيه=وبعض العرب لعبه مشابـه لجـده
وبعض العرب ثرثار ماتستحي فيه=ساعة تقفـل توقفـه عنـد حـده
وترى الرجل قوله يبيـن خوافيـه=وتعرف مضامينه مـن خـلال رده
واشمخ براسك فوق واحذر توطيه=ولا تنطح براسك سوى راس نـده
وكلا وهو واصله وراسه ومافيـه=احد (ن) يرده واخر (ن) مايـرده
و الكفو جعل الراس يسلم وراعيـه=واللاش راسه جعل صـارم يقـده
وسلامة رؤسكم للشاعر: عادل بن حيدره العولقي