بغيت الصدق والواقع=اكيد الواقعي راجع
وبايقع شل وحط ياعبود=قرب يومك الموعود
قريب الواقعي شوفه=مع صحبته وسعوفه
تغازله الجبال السود=قرب يومك الموعود
على يده قرب يومك=وقومه هم ونص قومك
تلاقو عاهدف منشود=قرب يومك الموعود
عبود الوقت ماهولك=على ذا النهج والمسلك
مع اهل الكرم والجود=قرب يومك الموعود
كفى عقدين لي صابر=على زايدك والقاصر
بلا مكسب ولا مردود=قرب يومك الموعود
عبر خرفك مع صيفك=تشل وتحط على كيفك
بلا شاهد ولا مشهود=قرب يومك الموعود