[ليث الخطم]

اقتباس : المشاركة الأصلية كتبت بواسطة حسن محمد سالم باقديم [ مشاهدة المشاركة ]

قصيده بعنوان ( صرح السقيفه ) يا حامل المصباح والشعله الى صرح الادب = خذني معك ماقول لك جاهل ولا عالم كبير خذني لصرح العاليه اْم المتاحف والرتب = واْم الثقافه والادب والشعر والصرح الشهير تلميذ هادي ممتثل للنقد مايحب الشغب = يخفض جناح الذل للحاذق ويعطف عا الصغير دينك بغا مجهود والدنيا بغت منك تعب = والصبر مفتاح السعاده والا دب مال الفقير شوقي لرواد السقيفه في فؤادي ما نضب = شكري لمشرفها وباحثها ولجناب المدير طيفي وجندي فوق بئر شبام والمهجوس غب = كلمه هوينه.. والخرى تــنـفح كما عود الكسير عابيرها من حيث ما شربوا صحابي باشرب = واجب نشاركهم وللدنيا تجي ولا تسير منهم رفيق الدرب والثاني في الحــسـبان اب = برسل تحياتي واشواقي لهم عبر الاثير ولا ينال المجد من يطمع لشهره او لقب = والمركز الاول يهابه من تعود عا الا خير والنقش فوق الصخر ماهو مثل نقاش الخشب = الفرق واضح بينهم مثل العورهو والبصير والعود والعودين عا ظهر الجمل ماهي حطب = ضيعت وقتك من سفاهة عقل وتعبت البعير والارض ترقل بالكاعه والسماء مشحون سب = حد مننا يشعق وحد يرقع في الثوب الحرير ان جيت حمل باحث التاريخ والشعر العتب = حصلتها من كل فج تذ لح ثواغرها كثير رجعت متسنح من المذهات والسكته ذهب = عز الخيول اصبولها والسيف عزه في الجفير وتنكد السالي على دنياه والورخ انقلب = بين الشبك والنوف يامغبون ياخادم اجير الغبن والشباك عز.. كزمه وتمره في المسب = ولا مذله في تراث الاهل يرمقها النظير الفتها عن قصد والناقد يبلغ ما يجب = رمز الرجال اشروعها مالي وللشرع القصير ماقل دل ولا تهطل غيثها والمزن صب = صاعق حتف راعده والبراق في منشي غزير وختامها ياحامل المصباح لاصرح الادب = خذني معك ماقول لك جاهل ولا عالم كبير

قصيده رائعه جدا قائلها ذو أفق واسع سد بهذه القصيده المسافه الشاسعه بين با شودح وباشرون!!!

تقبل مروري ورد راسك الى ..... !!!