سلام مني عد من جد وجد=وأصبح علم بارز على روس الجبال
لهل السقيفة كلهم من بوحمد=ليهم على اليمنه وليهم بالشمال
والشيخ بوصالح وعمه والولد=والجار وأبن العم صناديد الرجال
أمن الصعيد العاصمه وأهل العند=سلام لهل إشبام ماسبل وسال
أهل الحضاره نقشهم فوق السدد=تاريخ للزاير ولي وطن وحال
هذه مدينة شامخه إلى الأبد=وأرجال فيها مثل بوخالد جمال
تاريخهم مافيه شي حاجه نكد=أبيّض وناصع مثل مالون الهلال
والأن بشكي من مشاكل في البلد=الامن ضايع كل شي بالإرتجال
والسعر مابين التجر هم والحدد=والنصب شل الرزق والمال الحلال
والنوب عالسكر وبطل في الزبد=ون جاء عسل ماجابلك خمسه ريال
والحاصل إن الوضع باين وأنفرد=بخصال عيفه علبوها من خصال
وسلامتكم