[حال سده]

اقتباس : المشاركة الأصلية كتبت بواسطة حسن محمد سالم باقديم [ مشاهدة المشاركة ]

طلبت الله رب السماء علام الا سرار = عسى كل شخص مستور لايكشف سراره عسى يغفر ذنوبي يخف الحمل لا جار = ويسمع صوت عبده تعذب واستجاره ولا يامن رفعت السماء واجريت لا نهار = الاه العرش مولج ظلامه في نهاره رحمني واهدني واعطني التفكير في الشار = لان الا دمي دئما يغويه شاره عطه باقديم يامعتني خطي ولاخبار = عطه مني خباري وهت منه خباره وقله وقتنا يخلظ الحالي مع القار = ولا لي شي سهب باعمد عا راس قاره ولاكن مشكله من يسيب الاهل والدار = يحصل ذل كل من ترك اهله وداره ولامن قل يشكي ولاغبطه لتجار = الى قد الحال مستور ماريد التجاره ولاكن في زماني ظهر تبديل وغيار = شهر وسنين لاكن من اهله جاء غياره جميع الناس عافوا وعاف الخوا والجار = حسد بين القرابه وعاف الجار جاره ولاكن باتقع عاقبه للناس لا شرار = وكل محتال قسمه من جهنم شراره نهار البعث لليلة يقابل خازن النار = وينظر له بقسوه ويفتح باب ناره ومن يغرس بذور الحسد ما يحصل اثمار = ومن يزرع شجار الطمع يجني ثماره ومن تاجر بقرش السريقه يكسب العار = تعراء من كساء الجسم لاثوب العياره ونختمها بذكر المشفع صاحب الغار = واله عد ما صبحوا عا الشرك غاره

اقتباس : المشاركة الأصلية كتبت بواسطة حسن محمد سالم باقديم [ مشاهدة المشاركة ]

الا يامرحبا باالخبر لي جاء ولا صدار = من الي حافظوا عا مكايين الصداره بكم من جيد ما يختفي له وزن وعيار = ذهب واحد وعشرين كامل في عياره وانا في شانهم ما معي حيله ولا اعذار = ولا با طيع هاجسي لا قدم عذاره سكب ياغيث عا موطن الجاويد والدار = وعا وديانهم والحسب معروف داره ومعروفه ما اثره عن غايب وحضار = وفي التاريخ مشهود له اقدم حضاره ومنبع جود حلوا وسطه اسود وانمار = ظريكه كهف لا ساد وعرين النماره فكم من مصنعه فيه اغلى من منيبار = وملك الهند ارض العجايب والا ناره وانا طارحه من تحت كل مجهر ومنظار = وعده لا ولي في ميادين النظاره فلوا ان الزمن عاب وسقاني من القار = شربته يوم خلفي جبل شامخ وقاره وخلفي حيد منصوب له شنطوب وصبار = يهيضني الكرع يوم يذلح عا صباره وحاني القرن فوقه تربى ليل ونهار = يحن قلبي لمرعاه ولطلعت نهاره وراثه خذتها من جدودي قبل لوصار = بناها والذرة والحميمه في وصاره نصيف الله في العاق ذي طيره طيار = ولما اليوم عاده لنا يفقع بطاره وراء كل من لقاء منجره بن قول نجار = الى الحمر الخشب له فنونه في النجاره ربينا عا تر احم ورحمه ود وقطار = تسيره الموده وهي تحمى قطاره تراء في الاهل ماهي عمل صعبه ودولار = خلوفة عاد تعرف مقره والاداره فلا للبغض هو والحسد منجم ولابار = ولا نزاح ينزح ويشرب عا بياره في لاحقاف باقي يعز الضيف والجار = ولا يخرج حفيه يكدر حال جاره فلوا دنيا ندم قد قست عا طوال لا عمار = البار الا على النصح في ساس العماره وهذا ورث ما يموت في وادي ولا غار = ولا عن قوم عدهم لهم شاره وغاره ونختمها بذكر المشفع عد ماثار = سحاب الخرف في نجم ما يخلف مثاره الا ياسعد كل من دخل مسجده اوزار = امام الخلق يابخث من شاهد مزاره

كلام يعجز الواصف في البدع والجواب لله دركم على كلام ياالعمودي انت وباقديم هذا الشعر ولا بلاش