بسم الله الرحمن الرحيم
جمعة مباركة
اوجه هذه القصيدة الى بعض النسوة( اشدد على كلمة بعض) اللاتي يقضين جل وقتنهن في الدردشه دون الاهتمام بجوانب حياتية اخرى. من وجهة نظري المراه قد تساهم في اثراء المواقع بما هو مفيد وقيم من نقاشات وحوارات هادفة، ولكن ان تجعل همها الاكبر الدردشه او الشات مثل ما هو متعارف الان فهذا خطاء كبير عليها ان تتجنبه فكم من امراة وقعت فريسة بسسبب الشات.
وين الدفى والعاطفه عند المره=تسهر طوال الليل عاكرسي وشات
تلعب على رجَالها لعبة كره=مات الحياء والطهر في بعض البنات
اول تبي بنت الاكارم مستره=واليوم تتبجح على كل الجهات
دفنت حقوق الزوج وسط المقبره=مات الوفاء فيها مع حلو الصفات
تقعد مع الشبَان تلقي ثرثره=ما ناقص الا تحتبي بين الروات
تكتب قصصها و المشاعر مغزره=يا شينها فعله ومقبحها سوات
لي ما ترَبت عالحياء والمطهره=تتبع غرايزها وتمشي كل هات
ذا الشات يا حرمه طريقه مغدره=يرميش عادرب الندامه والشتات
صوني ثمارك يالغصون المثمره=خوفي على المحصود لا يصبح فتات