السلام عليكم ورحمة الله وبركاته،،،،
أخواني الإعزاء أتشرف بالمشاركة معكم بالمنتدى وأتمنى أن أكون ضيفاً خفيف الظل وتقبلو فائق الحب والإحترام.
البيت الثاني في هذه القصيدة هو للأستاذ الكبير / عمر الذيب ( بو طارق ) واعتذر عن أي كسر موجود في النص .
أنا سمعت أبيـــــات للغربـة تصف =لي في نظر عيني أنا تعني شعـــار
من صدق قال الذيب واقع معترف = قرب الوطن جنة وأما البعد نار
المــغترب يالذيب مثــــل المستلف = هموم بالممسى وذلة في النهار
القوت مايعــــبر وفي حلقــه وقف = وتبدل الحالي وصارالحلو قــــار
الراس شيب كثــــر ماتحمل كلف = ضيع بلاجيكه ولا حصل ضمار
ضاقت بي الدنيا وشيكي مانصرف= وتقفلت الأبواب يمنه واليســــار
بلعب وباحاور وباسجـــــــل هدف = لا همني طولك ولا دي هم قصار
حصلت لي مخلــوق لحوالي رأف = قال استعذ بالله وأترك كل ضـار
وأطلع إلى مكـــــة ببيت الله طف = وأذرف دموع الذل للمولى جهار
وأدعي وقل يارب بالحــالة لطف = رحمان يارحمان يالله بالسبـــــار
من بعدها باقول يالهــاجس ردف = ودي برحلة قبل تقفيل المســـــار
بازرو أصحابي ومن فيها عرف = بازور كل قرية وكل صاحب وجار
سلام لش والدمع من عيني ذرف = سلام لش يا أرض ربتنا صغـــار
سلام يا ظــــاهر ولأجلك باوقف = تستاهل الوقفة ولك تقدير حــــار
سلام للشيبــــة وللشبـــــــان زف = أجمل تحية ما بها طعم المـــــرار
قولوا لهم مشتـــــــاق شوقي ما وقف = دايم وهو يقدح على بوها شــرار
يبكي دموعـــه دم لا يمكن تجف = خطه وسط خدي كما سكة قطار
من حن لا أرضه اهله ترى زاده شرف = ومن مايحن ضيون مع بشكة هرار
هذا ونبغى العفو لا شي قول طف = ما يكمل ابن آدم ولا بيده قــــرار
ما يكمـــــل إلا الله قاضي كل شف =عالم خفايا القلب لو كانت صغار
أرسل الشاعر محمد صالح باواكد ( بو سلطان ) جواب على القصيدة يقول فيها :
أبديت بك يالله قاضي كل شف = خالق الإنسان وخلقت الجبل هي والشجار
من بعد بارحب عدد ما البرق رف = وعداد مايرعد وعد نزل المطــــــــــار
بكلام جاني زين ومثيل الصدف = من عند بن مرزوق عزي وافتخـــــــــار
من بعدهم مانام ما غمض للعين دف = لا ليل لي يهدأ ولا يهدأ نهــــــــــار
وعلى فراق الزين يا دمعي ذرف = وديار زينه ماكماها في الديـــــــــــــار
لا يا صليب الراس شف نخلك خرف = هت لي خبر منك وخذ مني خبـــــار
جات الحليلة جات من بحرك غرف = لا تخلف الميعاد خش وسط البحــــار
هذا جواب على الشاعر محمد صالح باواكد ( بو سلطان ) أقول فيه :
مشكور بو سلطان قد صبت الهدف = وصلت رسايلكم وما خلف الستــــــار
إنته لنا أستـاذ ياخير السلـــــــــــف = وإحنا على أمرك مطيعين القــــــــرار
إحنا بأمر الله يا سيدي خلــــــــــف = نمشي على خطاكم على نفس المسـار
إن قلت لي يمنه محمد با يلـــــــف = وإن قلت لي يسره أنا قصه يســــــــار
قولك دواء المجروح كـــلاً يعترف = متصدر النشرة وبك تبدأ الخبـــــــــــار
الشعر بحضورك إذا شافـــك وقف = ما ينحني إلا لمن مثلك كبـــــــــــــــــار
بحلف برب الكون كل إنسي حلف = إنك ملكت الشعر يا شبل النمـــــــــــــار
إنته ذريت الشعر وإنته من قطف = وإنته بأمر الله من يجني الثمـــــــــــــار
يا هاجسي لا شفت بو سلطان قف = واضرب تحية كلها هيبة وقــــــــــــــار
من عزني عزه وبتحمل كلــــــــــف = بمشي لجل عينه على سلى ونـــــــــار