ياهل الرعه شلوا=شلوا اللحم فوق النار
والتمر في الجحله =والخبز في التنار
اليوم الدول عندي =وبكره عند الجار
هذا عمل خيري=عندنا كده ياكرار
يأهل الرعه شلوا=شلوا اللحم فوق النار
والتمر في الجحله =والخبز في التنار
اليوم بانبني مربعه=وبكره عالواحد القهار
ذاك سرح يخلط وراء المدار=وعلي عندي يصف الاحجار
يأهل الرعه شلوا=شلوا اللحم فوق النار
والتمر في الجحله =والخبز في التنار
ارفع ساس بيتك =زايد على متر من الاخطار
لاتبخل على بيتك=بقليل من الاحجار
يأهل الرعه شلوا=شلوا اللحم فوق النار
والتمر في الجحله =والخبز في التنار
العمال اليوم عندك =صبحهم بر وشاهي بخار
والغداء تمر وقليل من الثمار =والعشاء فته صبعها محار
بناء المسجد علينا واجب =قبل بناء الدار
والمدرسه افضل=للصغار وللكبار
يأهل الرعه شلوا=شلوا اللحم فوق النار
والتمر في الجحله=والخبزفي التنار
ومن امه في المطبخ قرصه حار=اشرب من الصافي ومن سمن الدار
الطين هنا جاهز =والماء من بئر عمار
وابو علي موجود=بالمتر والحبل لقياس الجدار
يأهل الرعه شلوا=شلوا اللحم فوق النار
والتمر في الجحله= والخبز في التنار
ماحد اقل من حد=الكل منا بغا له دار
الدم من راسك=ومن الوادي الحجار
ياهل الرعه شلوا=شلوا اللحم فوق النار
هذا زامل من التاريخ=سجلوا للتاريخ وخلوا في الدار
وصلي على المختار=مع طلوع الشمس وظهور النهار
واله وصحبه النجوم =بين جميع النجوم والاقمار