مساجله بين احمد باعجره المشجري=
وصالح بن حمد باعجره المشجري=
عبر الرسائل - اتمنا تنال رضاكم=
بدع صالح باعجره المشجري=
طال انتظاري جم ولاحققت قصـدي والهـدف= كل ماإيليه اسعى تواجهني الحواجز والجسور
كني بداخل سجن وقضيتي فـي أخـر ملـف = والمدعي نصاب والشاهد شهـد باطـل وزور
ذا دي تضحلي من حلال المملكه ولي اعترف= برسمه وبدونـه للاجيـال عامـر العصـور
كل ماذكرت ارض اليمن دمعي على خدي ذرف= وحرمني ارقادي وحرمنـي قيالـي والفطـور
مشتاق جم لساحل الذهبي وسيـؤن الغـرف= ولمن سكن بين الجبال الشامخه هي والحسور
ولي سكن في شعب ولي عمرو روس العطف = تقديرهم يعلمه دي يعلم بماتخفـي الصـدور
ربعي ولي الفخركل مذكرتهم ولـي الشـرف =هم عز مااملكه في دنيـا الندامـه والغـرور
لاكنني بصبر ووعد الصبـر عمـره ماخلـف=والفائده في اخر المشوار للشخـص الصبـور
دي لااتته امصايب الدنيـا توضـاء واعتكـف= في قبلة المسجدامام الواحـد الفـرد الغفـور
ومن اقتدى بالمصتفى واله وربعـه واسلـف= ولله انه الكسبان يوم البعث والنهـار النشـور
هذا ولك مني تحيـه عـد ماشيـك اصتـرف= وعداد ماتشدو وماتغـرد بلغصـان الطيـور
جواب احمد باعجره المشجري=
آنستني ورحبت يامن جبت لؤلك والصدف= من بحر ماله قاع يامن داهل أمواج البحور
جبته وشكلته كبوكيت الحديقه لنقطف=من ورد متناسق يفوح العطر منه والبخور
يحمل بطياته امور أبداخلي ماتوتصف=عن لوعة الحرمان في الغربه وفقدان الشعور
ولقاء مأثر عا عليل القلب والراس انتصف = باشيب ياصالح ونا مازلت في عمر الزهور
هذا ومضمون الحقيقه ماغمض للعين دف=ولاهنيت العيش في لحضة قدومي والحضور
لاارض يتبناك فيها الياس والهم والقرف=والحاصل ابغا العفو من صالح بن أحمد ع القصور
بدع صالح باعجره المشجري=
ياهاجسي من بحر بمواجه على الساحل زغف=طلعلي المرجان دي في السوق سلعه مابور
من شان بري ذمتي وقضي ديوني والسلف= من قبل تتراكم علي والحمل عاضهري يجور
حتى ولو صاحبي ماسكله من الدنيا طرف= واعطاني المهله ثلاث السنين والثلاثه شهور
بس واجبي رجعله المعروف دامنه وقف=جنبي ونا طفشان والدم داخل اعروقي يفور
وبعد مادام القمر مشرق بنوره ماكسف=لبغا سمر فني وباناقشك في بعض الامور
من يوم هل ميفع حتلو حجر نخله ماخرف=والقصد لبغا حجر ترجع تحت صيطرت الحجور
بالعقل والحكمه وبسر دي لدى الناس انكشف= قله الظلام الجهل يبقى دائماً والعلم نور
جواب احمدباعجره المشجري=
بعض الرجال إكون قدوه في حياتك والشغف=لما يقوله أو تراه العين مابين السطور
ون تمت الفرحه على كركوك حرموها النجف = هذا ويمسي الطفل رايح جاي مابين القبور
ونته تراجع جول باحيوه ومولى حجر عدله قد نطف=والحاصل اتبدو ولاشي نسر يغلب ع الصقور
والتقاسمو التركه وكل واحد على حده وقف= وتسامح الجاني من المجني وعادو بسرور
والان يالهاجس دعيتك امس عامقضاة شف= ارجع إلى مسكنك دامك ماسك أزمام الامور