[بن بريك]

السلام عليكم ورحمة الله وبركاته
هذه الابيات كتبتها على عجل الى اخوي الغالي ( عزام بن احمد)
ورد على قصيده كان قد اهداها لي وارجو ان تنال اعجابه واعجابكم كما ارجو السموحه اذا كان فيها اي خلل او زلل
اتمنى له ولكم السعاده وطول العمر

ألف حيا بذا المرسول من حيـث أقبـل=يوم جاب الخبر وافي وقد ريّـح البـال
قـل لعـزام يالوافـي هديتـك نقـبـل=عندي اليوم في الحسبه لها ألف مكيـال
ولد الاجواد ماينسى صحابـه ويهمـل=اخوته لو يميل الوقت عـزام مـا مـال
شيخ بن شيخ بالفطره علومـه تجمّـل=له سلومه وعاداته لنا مضـرب أمثـال
يسأل اليوم عـن ذاك المجيـد المدلـل=خابره في سعـاده ماتغيـر لهـم حـال
غير هم الوطن ماحد حمـل او تحمّـل=وانت عارف بكل ما صار في كل الاحوال
شفت ياخـوي بالبنـدر بـلاوي تهبّـل=قلت باحذرك تقـرب خبيثيـن الاعمـال
يومهم قد دنـى والحُـر ماعـاد يقبـل=لو يوزع نقوده عندنـا اليـوم اشبـال
ماتبيع الوطـن.. ولأجلـه اليـوم تعمـل=ذي تشل الثقل لو وزنهـا وزن لجبـال
خلهـا بالسهالـه مابغينـاك تـزعـل=وان طلبت اطلب الله.. بايحقق لك آمـال
بايعـدل حمولتهـا وبالحـق يـعـدل=وقت ماينفعـه ابنـه ولا ينفعـه مـال

بن بريك
11/2/1432هـ