رحب بقوال من شاعر بوهج الماس مكتوبه=وانا بلهاجس ان قد هو طرب باترجم المكتوب
لسان الادمي تثقل اذا كلمته محسوبه=ومن خفة لسانه ادمي ماهو بشي محسوب
وبين الاصدقاء صدق السماحه دوب مطلوبه=وبلحكمه وبالراي البتي بنحقق المطلوب
ومن يطلب صديق ومايبا يقبل لعذروبه=بدون الاصدقاء يبقى ومافي حد بلا عذروب
قرب من ناس ذي هم هرجهم بقراص مصبوبه=بعد من ذي يحطوا السم في داخل عسل مصبوب
بعد من ذي يفرحوا لابدوا والنار مشبوبه=وعبلى لي تحب عنتر يحسبوها تحب شيبوب
تقبض بالقوي واترك سراب احبال مقطوبه=وشف ماشي لبن في راحله قد قلبها مقطوب
ومن عبر حياته كلها في راس شنطوبه=معد ينزل ولو بايزقلوبه من على شنطوب