ابديت بسم الواحد الفرد الصمد = في كل اقوالي وابيات القصيد
وجمعت تفكيري ومهجوسي شرد = ومسى يفكر في يريد ومايريد
ورجع محمل للمعاني قد رصد = قد غاص في بحره وقد جاب الرصيد
بل جال في كل المواني واستعد = بالحبر والريشة وبالقول السديد
ووقف يناديني بمن جد وجد = والعقل سارح صار تفكيره يزيد
يا أرض العليب الغالية انت الجسد = والروح والاحساس والركن الشديد
والقلب والخاطر على عين الحسد = يادار اجدادي ومن بعدي جديد
والخير كله فيك وياشاهد شهد = بالعلم هو والمعرفة بانستفيد
ارض المعارف والمعالم والمدد = يامنبع التعليم والعقل الرشيد
فيك القلم والدرس منك مستمد = ودروس يلقيها محمد أو سعيد
ياطب عيني دوب لا جاها رمد = ياعقد في عنق المديرية فريد
ياكاتب التاريخ سجل للولد = للابن وابن الابن والطفل الحفيد
دون بصفحاتك كلامي للابد = كل جيل بعده جيل يأتي بالمزيد
فيك الحصون الشامخة حق بن كلد = وقلاع تشهد ان تاريخك مجيد
ياقلعة الامجاد ويابيت الاسد = يادار يابن كنعان وسعيد الفقيد
ياموطن الاخيار واطياب الزبد = ياجوهرة ماتقبل الغش الصديد
ياجامعة للطيب كله والسند = يامرتع المسكين بالخير المديد
كل من بغى التعليم إلى أرضك قصد = من عهد جدي قبل ما ينطق حديد
كل من تخرج راح للمكسب حصد = كل مامعه من علم يجري بالوريد
ورجال وكوادر محمد مع حمد = ودكاتره قدهم يشدون العضيد
ونمور وسط الجيش وعليهم عمد = احمد وصالح في مراتبهم عميد
في كل محفل مننا وارد ورد = للمصلحة الكبرى تحصلهم طريد
معدود فارس بين شبان البلد = محد تخلف منهم محد بليد
في داخل الخشعة وفي وسط العند = الكل متمرس وفي دوره عنيد
لأجل البلد للثورة الكبرى صعد = شبان وسط النار في ذاك الصعيد
وتماسكوا بالحبل لي هو من مسد = حتى يجي للشعب النصر المجيد
ونسور من ارضي وجيراني الريد = وأهل البداوة والحضارة والعديد
والشعب كله ضد عدوه اتحد = لأجل الوطن كل يوم يستشهد شهيد
ويقول شاعر لي خرب يبغى وتد = والبيت يبغى له على المدخل قليد
بس فتحي واستيقظي قبل الجرد = ما يأكل المخزون وأوراق الجريد
والعتبة اللي تكسرت عند الرقد = والدير يتبدل بشي ثاني عتيد
والدم يتحرك ونوقظ من رقد = ونطارد الباطل بكل شاجع وجيد
أرض الحضارة كيف يدخلك النكد = لما متى والصمت يحصدني حصيد
سرقوك أهل االمصلحة والكل شد = خيرك تبعثر مالحق واحد شديد
لازم نحاسب من خصومته اللدد = ونقوم في وجه الذي طبعة لديد
وعصابة التخريب نوقفها بحد = ونقدم الشامل على الخاص الوحيد
يكفي مهازل من بغى يعصد عصد = نبغى بلد آمن ومانبغى عصيد
وختامها لابد يوفي من وعد = ونعالج المجروح والخدع المكيد
وصلاتنا تغشاه ونزيد العدد = شافع لنا يوم القيامة والوعيد
ذا قول بن كنعان لي حال المقد = ذا كل ماعنده وما عندك يريد
فؤاد سعيد صالح باطويح