[برع السده]

يا اخوان هاذي قصيده طيبه ولكن ما تعرضت للنقد والتحامل مثل ما تحملته القصايد الاخرى.

اذا كان المساله استخدام كلمات فصحى في شعر شعبي فالاخت عيون المكلا استخدمت كلمات فصحى مثل
كلمة صنو ( والغافل المسكين صنو المبتلي = لاشي جزاء جابه ولايردعه صوت ) للان ما اعرف ايه الصنو

وايضا استخدمت كلمه الحسناء ( وعندنا معروف كل ماقل حلي = فهموا كلامي قبل ما الحسناء تموت ) وهي كلمه فصحى
ولا حد يقول حسناء في حضرموت كلها بما فيها المدن المتحضره مثل تريم وشبام والشحر والمكلا وسيون ما نقول الا الزينه والحسينه والخرعوب اما الحسناء ما يقولها الا شاعر الغزل نزار قباني.

والساري عندنا هو النجم يا نجم يا ساري ساري فوق المكلا كلن معه محبوب ونا لي الله. اما ثوب الساري والكيمونو والميني جوب ( اتزيني بالورس له وتجملي = بلفة الساري وقرطش والصموت ) غير معروفه كلها.

واخيرا كلمة الابعاد ( لاتعولي عامن عليهم ينطلي = ابعاد مرسومه عليها حضرموت ) فهي المسافه البعيده ما حد يحلش يا خلوفة عاد = من حلها ما له قريحه 00 قوتها منقول من الابعاد = ولا محلتها شريحه. اما الابعاد اللي استخدمتها عيون المكلا فتعني النتائج او الاحتمالات او المخططات الخفيه وهذا كله غير معروف عندنا نحن الباديه. وحتى لو قبلنا كلمه ابعاد فهل نقول ابعاد تنطلي ام ابعاد ينطلي؟

واخيرا الركاكه وما ادراك ما الركاكه. نتحدث هناا عن بيت واحد فقط كنوذج ( كلما شكت قالوا لها بيدش كلي = كسوتش من مولى العمامه والبشوت ) اذا النقاد مثل مسرور وابو عوض حقانيين فهم يعرفون ان المتلقي للقصيده يقف مشدوه عند هذا البيت هل المعنى انها تشتكي في نفس الوقت الذي هي فيه تاكل بالملعقه ولذلك يقولون لها كلي بيدش احسن لش والا هي مدلعه زايد على اللزوم وفيه خدامه تلقمها الاكل يعني هي ما تاكل اصلا لا بيدها ولا بملعقه فيقولون لها بيدش كلي.