[أبوعوض الشبامي]

اقتباس : المشاركة الأصلية كتبت بواسطة مسرور [ مشاهدة المشاركة ]

..... مد للرحمن ماشي .... وشطر لإبليس حاضـــــــــــــــــر ( هذا مثل قديم وصححه لي إذا جبته غلط قدني أضم وأضيّع ) ايش رأيك تحفر خمسه كرفان في الصوط ؟ صدقة جارية ايش رأي صاحب الجائزة ( جائزة الشعر الشعبي ) ومقدارها 20000 ريال سعودي سنويا ..... يحفر كل سنة خمسه كرفان في الصوط بدل بعزقتها على المتصارعين هنا ؟ سلام يابوعوض .

صورة كريف في هضبة حضرموت ( الجول ) نقب في الجبل صدقة من إمرأة عجوز أوصت بعد موتها يباع فضتها وما معها صدقة تعمل لروحها الخيرة ( كريف ) للسابلة ... وقفت عند الكريف ودعيت لها بالرحمة ..!!

وبمناسبة ردك هنا تذكرت قول السيد الفاضل العطاس ، وأعني بالعطاس الإمام والعالم والمصلح السيد علي بن حسن العطاس ( صاحب المشهد ) وليس رفيقكم (( حيدروه )) قال الامام علي بن حسن في قصيدة طويلة :

ماعاد للصدق مسلك عندهم يحتمل= لا يسمعونه من الراوي ولا يقتبل
اذا تفكرت يلحق فشلهم بالوحل= الكذب والشين صرفه عندهم في محل
ما عاد حد يتبع أهله في قفاهم هشل= خذوا مقارب وتيه وارتضوا بالخلل
ماعاد بايسلك إلا من شور للحيل=وإلا مرابي يشوف الفلس مثل الجبل
محرب لمولاه والهادي خبر منتقل= يهوون قربه ولو ما فيه حتى قبل
إذا بدا بينهم كلن تواضع وذل= ورحبوا به وقاموا للشقي عن كمل
والناس كلن الى شانه اليه استهل= تأتيه زوار في مثواه من حيث حل
وان قال قولا ولو فيه الخطا والزلل= قبلوه واعطوه في زعمه على مايسل
وهو حقر لا تقول انه يمد الذبل= يبات يحسب ويضرب في حسابه المثل
ليته يودي زكاته للخساس النذل= جزا محبته ذي جبلوا عليها جبل

.