[ابوفضل سالم]

اقتباس : المشاركة الأصلية كتبت بواسطة عبدالله الجعيدي [ مشاهدة المشاركة ]

احبتي الاكارم اليكم ردي ومجاراتي المتواضعة على كيبوردية الاخ العزيز الواقعي (خربشات على بوابة السقيفه) اتمنى ان تنال استحسانكم . =يا مرحبا قول من شاعر كلامه كبير =ما قال غير الذي يملي عليه الضمير =هرجه عجبني وقد طفاء في الجوف كير =لولا محبته لأرض البار والباوزير =ما كان شفناه فيها يوم واحد يسير =بالطول والعرض يمطرها برجله مطير =خا يف عليها من أصحاب الفتن لا تصير =أشبه بصيداء وكابل والعراق الأسير =من حكم قرقوش وأمثاله عسى الله يجير =في مملكة ما تمنينا لها شي نظير =الله اكبر من اللي صار واللي يصير =لو ما ملكنا قدر بيده يزم الظفير =با يفلت الحمل حقه والقتب با يطير =وضع الوطن هذي الأيام جداً خطير =فيه المقدم صبح في يوم واحد مشير =ينهى ويآمر وحسو البدو رده غدير =وقّّع على أوراق خطره قبل مايستشير =والطان عادله في سعره بسعر الحرير =داخل وزارة بها ما كل واحد جدير =تُصدر قرارات مختومة بختم الوزير =وآخر قرار المراسل صار فجاءة مدير =يا من على العرش متربع متى باتغير =بالميم طاء ضد من ضدك جيوشه تسير =أعرفك مخلص وبالحنكة لأمورك تدير =لا فرق بين الغني عندك وبين الفقير =وان غصت فالبحر تطلع لول منه كثير =مابه بن آدم تقن مثلك فنون المهير = والموج تحجبه لي يجزر في أرضك جزير =والحلي لا قد قبضته ما تخلف كضير =تعرف فنون الحراثة من وعادك صغير =ما تخلط البر الأحمر والذرة بالشعير =هذا وتمت بيوتي والخطاء قد يصير =ما ادّعي أني الجاحظ ولا نا جرير

صباح الخير يابوسالم
الله عليك وعلى هاجسك الذي من غبش وهو يملي عليك هذه الابيات التي ترسم واقعنا المرير
املي ان الرد حسب طلب الواقعي .
اخوك ابو فضل سالم