سمرة دان على خفيف
في منزل بن أحمد المعمور
بو فضل سالم
يا عاشق الغيد با تتعب=للعشق طلعه وله نزله
وجبال وحسور ومراسي=وأمواج با تتعب السبّاح
***=***
بو فضل منّه معه مقلب=ما صاد شي طب للعلّه
تعبان مسكين ويقاسي=صيّح بصوته كما الصيّاح
المخشني
لا زال بن عمرو يتقرّب=ذلاّ المحب طالِبِه مهله
ما قول عنّه بشر قاسي=وألاّ دموعه دموع تمساح
***=***
إيقول لي دوب يا مرحب=ويجهّز التمر والدلّه
وشاهي من الهند مدراسي=أحسن من الشّهد هو والرّاح
بن أحمد
القلب با إلقيه لك ملعب=وإبغاك بالغصب تحتلّه
با إطرحك يا تاج عا راسي=يا إللي خدودك كما التفاح
***=***
وإنّك بغيت الكبد مكتب=جهّزه يا باهي الطلّه
راعي شعوري وإحساسي=وانا اعرف إنّك ذكي لمّاح
بو فضل سالم
يا المخشني خاف لا تحنب=الماس كم عقل قد شلّه
بالقول با ذكّر الناسي=عا القفل لا يترك المفتاح
***=***
الفاس ما هو كما المخشب=والموس ما يشبه النّصله
ما شي يجبنا على قياسي=لا نويت بالنصح والإصلاح
المخشني
من صافي المزن نا نشرب=وشُرْب غيري رجغ حثْله
ما ضاع لولي وألماسي=صادق في القول دون إمزاح
***=***
الوعل لا تقول قد شيّب=شف عادني نقنم النّخله
خل غيرنا يلقط الغاسي=وخصاره السّمن ذي هو داح
بن أحمد
يا خل مرادي معا المطلب=ساعة لقانا متى حلّه؟
شوّقت لك ... ناد لك راسي=با طير يمّك بدون إجناح
***=***
لقيا المحب للمحب تحتب=يا شمس قلبي ويا ظله
بسمتك خمري معا كاسي=والقلب عا سيرتك يرتاح