[عارف عبدالله النهدي]

اقتباس : المشاركة الأصلية كتبت بواسطة منيف بن منيف [ مشاهدة المشاركة ]

البدع بعنوان (أم الجدايل) يأم الجدايل وين غبتي عن محبّش=طالت علي مدّة فراقش وش بلاش بيدي منابيعش وفي فكري مصبّش=واليوم شح القطر ماحطت سماش كنتي معي دايم ولا طول مغبّش=يومين وتعودين لاداخل حماش خافي إلاهش واتقي باريش ربّش=صوتي ملا قاعش وبلّغته مداش ناديت لش بأسماش والقابش وقلبش=ظنّه قسي ولعاد يتذكر صباش ايام ماكنا سوا دربي ودربش =واحد وخطواتي على دحقت خطاش واليوم وحدي هوك واتزمل وهبّش=وانتي بعيده يالحليله في خلاش لكنني بحفر وبدفن في مخبّش=من شان بكتب قول يستاهل ثناش بطلع بدره غاليه من بحر شربش=وبغيتها للعوش كسوه من كساش يافهد وسط المقبره شفتك تنبّش=تبغى ترد الفاجره ام الحناش لي ولت سويلم مع عبيّد ومربش=والقو مناكر خلت الصاحي هشاش حد منهم يسري وحد بالفجر يغبش=بالخبث كل واحد قبض ركنه وناش هانو عزيزه حسنها يافهد يربش=من عشقها امسي تقلب ع الفراش ماباك تزمل سعفهم والا تدربش=ماشي مصاون معك تعرفهم قشاش ع سوم واطي ليه ياصاحبي تربش=ياحسف تربيشك وطينك والعراش لاقد قسم مرزوق ومحيميد خربش=قسمك عصا بيكون وعبيّد كلاش وختمها لاتقول بوسالم تدحبش=ذلا وجب تسطير ما فالراس جاش الجواب تحت عنوان (مابانقول اليوم بو سالم تدحبش) يامرحبا مليون من دره منقـّش = فوقه حرير الهند من خير القماش وألفين حيا عد ما الماطر يهشهش = وأمسى يصب السيل من روس الكداش باللي لفا مرحب على الموجة يوشوش = لأجل الكسيرة حضروا رقعة وشاش ما بايداوي الجرح من زيتون مشمش = ولا يرد الغايبة مسعود باش يأم الجدايل ما خلق فالكون مثلش = والزين وصفش بالحلا ماحد كماش ياحسرتي عالزين والثوب المزركش = قد زوجوها غصب من راعي كباش ما يعرف العشرة ولا بالعين يرمش = بالمفتري يا غالية ربّي بلاش وعيال نوّح كلهم يبغون قربش = لأجل المصالح بـيـّتـوا حضري ولاش يبغونها عبدة لهم ترقص وتنعش = والصبح تحطب والظهيرة فالعراش يأم الجدايل فاخري ذا اليوم بأصلش = بنت الكرم والجود ما هانك وعاش بانرخص الغالي ومثله لأجل حبش = يانعمة المولى من الخالق حباش واللي يعق الوالدة بالدم يطرش = تعبر حياته في مكدّه وارتعاش ياصاحبي قد قالوا الغربة تحوّش = وأرض الوطن في سيرها للإنتعاش ياصاحبي عدا زمن حيدر وكندش = والدفع حاضر بايقع نقدي وكاش من يتبع الزمرة غدت رجله تنـوّش = لأهل المقاصد بايقع حمل النعاش والوقت قرّب بايقع زفة ومطرش = واللي بلع ذا اليوم بايشبع طراش ما بانقول اليوم بوسالم تدحبش = والناس حرة في طرقها والنقاش

يسعدني ويشرفني المروور على هذه الدرر
يعطيكم العافيه كلاام لو يوزن يجي وزنه اطنان
تحياتي واعجابي الشديد بما كتبتم
اخيكم عارف النهدي,