السلام عليكم ورحمة الله وبركاته
(دار البريكي ما تلاقي مثلهــــــا)
دار البريكي ما تلاقي مثلهــــــا = كل من قصدها بايحصل مبتغاه
والطيب والناموس شيمة اهلها = يشهد لها التاريخ والله في سماه
وانته نشد عنها وعن من حلها=تاريخها مكتوب كلن قد قراه
ذي دار بن داوود ربك عزهــــــــا=كم من جمل فيها برك يطلب عطاه
قم ياعمر هات الحقيقه كلها=وش باتقول اليوم في هرج الطغاه
نحنا نعز الدار نرفع قدرهـــــــا=والهيثم الليله يدور مرتجـــــــاه
اليوم يهجيها ويطرح قدرها=من بعد ماكانت سند لاهله وجاه
ناسي بأنه قد ربى في عزها=وانه لها راجع متى مشتد عناه
وعادني بوصيك لنته قدهــــــــا=لنته تبى الجنه تحافظ عالصلاه
مالك ومالناس نفسك عزها= تمسي قرير العين محمي في حماه
راجع حساباتك وقل لي وش بها=أحيان تحسبها غلط دون انتباه
بعطيك من عندي حكم تسعد بها= لنته تدور خير ماتبغى سواه
(بن بريك)
1/4/1433هـ