[بن بريك]

السلام عليكم ورحمة الله وبركاته

( لي مبعد تقنّع بايجــــــــــــــي له يوم بايقنع )

هــــــــــــلا حياك يالهيثم على ذكرك لنا تطلع = وتطربني ردودك يابن عمي شل لنا صوتين
لبا سمرة معك قد قلت لك يا صاحــــبي برجع = لدار العــــز واهل المجد بارد السلف والدين
هلا مليون بك ياسبع طول الليل مايهجـــع = فرض كل هيبته بين الكواسر شال له قسمين
وفي انصاف الليالي خابره يغزي ولا يرجــــــــع = خلي لا قد عزم بايحضرك ياوعــــل بو قرنين
اسمع يا صاحبي وانصت ولا تقلّد لي الاصقع = تراها راشنه من سمح ماهي من قبل يومين
ولي مبعد تقنّع بايجــــــــــــــي له يوم بايقنع = وفي الاخر يحط كل ما ثقل ويقولك يهــــوين
على ماضي عبر ماقدّره ريته لنا يرجــــــــــــع = ولكن الزمـــــــن لا قد عبر ميعود طبعه شين
وكل واحد لربعه في النهاية غصب بايرجــــــــع = تعلم يارفيقي من حكم بوشيخ خذ درسين
يقولو لي رحل لكن بقلبه عاد له مطمع= وعاده معتبر من لي حصــــــل في مسجد النهدين
وقد عفته وعفت الموتمر فاسد ولا ينفـــــــــــــع=وحتى المشترك ماهو لها وافي غراب البين
حذاري تنخدع فيهم عيال ابليس لا تسمع = كذب شفهم وانا عـــــارف بكل ماهم يبونه زين
ٍسلوم القبوله ظاعت ولا للشــــــــرع بايتبع = عوايدهم بغيظه ما تغيّر قد لها قــــــــــــــــرنين
ومن عاند لنا مره مصيره بايجي يربع = ديار الشيخ معروفه مهيبه مجــــــــــــــــــــدها مجدين
وكل من شق في ثوبه غصبته بعدها يرقع = اذا ما شم ريح الكنش يسمع صوت بو سطرين
وحيوا ولد بن داوود لي في كل جبل يطلع = يحط رجــــله في القمه ويسكن لو وسط جبلين
تهابه في الخلاء كل الذيابه تعمد المخدع = اذا شمت عبيره تبتعد وتطلق الســـــــــــــــــاقين

(بن بريك)
5/4/1433هـ