ابيات لحسن باقديم
مسرور يامسرور يادار الفرح هو والسرور =
خلوا الفرح في الدار لا تضوون للدار الكدور =
وتلاحموا عاالجبر شوفوا تاليتها للقبور =
هذا لهم مني ولك مهداه ياصقر الصقور =
ابيات لحسن باقديم
من اخر الوقت نتعجب كثرت مشاكله ونزاعه = يامسير الكون وحسابه رحمتك ياالواحد المعبود
هرج الزلف يمنع الرحمه من كل وادي وزراعه = تعبر سنه كامله فيهم ماتبصر المخضره في العود
صبري وجبري خطاء حده والقوم حمراء وقطاعه = باسير من عندهم سالم لا ني مصوب ولا مهدود
قصيده لحسن باقديم
علوب اتساقطت من صبرها ماقصها المنشار = وحشرج عاده الا فاق وتحتل مناشيره
ويتحرش بااّيات القوي وبسنة المختار = وللشيطان ذيهوا غر اّدم باذل الخيره
ولا بغيتك تزل صراط ربك راقب القدار = ذهن من قبل تتخطفك من عرشه مقاديره
بلأ فيها يفزع عند كل حسنه تحصل ضار = وعن كل بغل محزم والقطب والشوك عاالظيره
وطيب الفعل مابعد مات في وادينا والغار = ومن واديك ياالخلق الحسن ماكلت الغيره
على العز اقترنا والشرف عند المحب والجار = وصيه هاشميه والظفر والخير في الجيره
ولسنا للمزاجيه رهائن نطلق الافكار = نوطدها ( بحق ) للغير وننادب تفاكيره
نجله باالحوار الزين ونوفي له المعيار = ومن زل الطريق الجاد تتشقلب معاييره
( الجويد حسن باقديم )
انا من قبل مانطلع نحسب كيف مطلاعي =
من النخله نجيب الناجحه وافسح في النيات=
( حسن باقديم )
حسب قسمي في الناجح ولا قد غبت خذ راعي =
وانا بطلعك في بابور هندي يفري الموجات =
لنا عوده لتكمله ان شاء الله