المشاركه الاصليه بواسطة جرير
شي معاكم تمر ولانها حشف ماحد بغاها=شي بغيه صافيه يااهل النواب الجانيات
وين اخلاق الحضارم يومها ماشي كماها=كلها راحت وقدهم في نكد ومهاترات
واليمامه شاعره اشهد وانا عندي ثناها=تنعش الهاجس وتسقيني بعذب القافيات
والقافه بعض لنفس قد بها المولى بلاها=تحت سطح الارض تحفر للنجوم الزاهرات
والنجوم الزاهره دي في الفضاء شاعل ضياها=مايصل لاعندها مولى الايادي القاصرات
من وقف عالبير والزانه بااسم الله رماها=يشرب الاول ويهنى والخواطر صافيات
والذي لاقد ضمت نفسها تكيسل ماسقاها=للضماء خله زقل به في الخبوت الخاليات
مرحبا باايات من هاجس من الجوهر بناها=سد عيني باينه مثل القصور العاليات
ياليمامه لك معزه عندنا يبعد مداها=عن مدى بعض العرب واهل الهروج الفاضيات
صح لسانك قلت فابدعت واطربت ولك الرد قصيد وانك في البلاد حدعشري وشنطه عليه 711 هديتك فوق الرد بعد التواصل على الخاص انشهد انك شاعر وتنحنى هامة يمامه الشعريه اجلالا لشعرك