[الخليفي الهلالي]

اقتباس : المشاركة الأصلية كتبت بواسطة بن بريك [ مشاهدة المشاركة ]

السلام عليكم ورحمة الله وبركاته تلبيه لرغبة العزيز الغالي أبو عمر البريكي نهديه هذه الابيات المتواضعه عسى ان تنال اعجابه ___________________ في هذه الليله قريت الخط جاء من بو عمـر = يبغى خبر كيف الحراثه باتكون اخر زمـــــــــــان ما قدك عارف كيف كانت بالزمن لي قد عبر = ماليوم شفني قد غسلت اليد من خبز الجفان من يوم ما تركوه حرثانه قصيرين العصـــــــــر = لي ما يهابون المطر يالله عساهم للجنــــــــان ويرعضون السيل في عسره وربوا له بقــــــر = خلفت خلوفه همها من بعدهم لحم السمـان ماعندهم همه ولا احساس أو حتى بصـــــر = خلّوه للنسوان وانت اعرف وشفته بالعيـــــان وش عادني باقول قلبي من همومه يعتصــــر = كل ما سمعت الرعد حس الوقت ذا وقت الهوان معاد شي نخوه ولا ضنيت بانســـــــــمع خبر = يشرح لنا الخاطر وبه نرجع ونشعر بالأمـــــان يابو عمر الوقت ذا عايب وبه زاد الخطــــــــــــر = ولا عاد حد عقّال مثل اول فصيحين اللســـان والمعذره ياخوي ان شي زاد مني او قصــــــر = هذا خواطـــــــــــر قلتها ببصم عليها بالبنان _________________________ بن بريك 2/6/1433هـ

مادام عاد فينا من يحمل الحب للأرض ويترحم على رجالها السابقين فلازالت الدنيا بخير يابن بريك

من يوم ما تركوه حرثانه قصيرين العصـــــــــر = لي ما يهابون المطر يالله عساهم للجنــــــــان
ويرعضون السيل في عسره وربوا له بقــــــر = خلفت خلوفه همها من بعدهم لحم السمـان

اللهم ارحمهم آمين :وبييض الله وجهك وصح لسانك يالشاعر؛؛؛؛؛