ذا فصل والثاني على شان الرعيّه والملك=ولشان ذاالديوان بطرح فصل من خير الفصول
وابغا من الشعار واللي سار في هذا الفلك=كلن يجي ويقول ماعنده على حسب الاصول
يالمخشني لو تسمع الهرجه وصوتي يوصلك=انته تكلم لولي لوكان بيداك القفول
وبن هلابي والخليفي لي من اول ناحلك=خله يجيب اللي معه بانستمع له وش يقول
وهت بن احمد هو وسبع الليل ذي هو يسالك=له وقت وسواله معك يالمخشني ماله قبول
نبغى المكّبل ينطلق نساله وش لي كبلك=عسى القيود اللي بيده وقتها قط مايطول
يرياض بشراحيل كل الناس تعرف منزلك= ونعرف انك شهم وافي من زكيين العقول