[نجم سهيل]

اقتباس : المشاركة الأصلية كتبت بواسطة عيبون [ مشاهدة المشاركة ]

فصل لجلك جيت وجلبت القلم هو والمحابر=لجل سلّي قلب فالغربه يكابدها هموم وانت لا يالنجم هت كل مامعك وسط الدفاتر=سل قلبك شف حياة الادمي ماباتدوم هادم اللذات بالمرصاد ياولد الاكابر=من عماله خير فالدنيا شرب صافي عتوم حز في نفسي خليّة نوب عمدوها المثامر=والذبر خلّوه لا ياسهيل عالمعلم يحوم مابظنّي شي عسل خرفي لقد الجبح دامر=والمصيبه جات مرّه عالعكابر والحموم

مرحبا والقول له نبّه مثيل العود فاخر=بن علي صالح الا قسمنا يشل خير القسوم
كاسب الجودات والمعروف لا يانجم زاهر=يوم لك عندي مكانه عاليه فوق النجوم
سل قلبك وانتعش قد تاليتها للمقابر=ونت من لابه لها تاريخ متقفى بلوم
غير صبري مامعي قد لي زمن ياخوك صابر=هو يجمل لادمي في حلها وقت اللزوم
هادم اللذات عاما قلت قابض بالحناجر=والاوادم حد قده ثرثار والثاني كتوم
والمطمه باتجي ياخوك عافقري وتاجر=وينكم يهل الفكر واهل النباهه والفهوم
والخلّيه لا لقت نّواب له خبره وشاطر=ف العمل يابن هلابي حظها لازم يقوم
شرط تسمع حنة الانواب لقد صحيت باكر=عاخزا اهل الحقد ياصالح وعاعيون الخصوم