(( بدع الشاعر الفاهم ))
يالمخشني انته بنفسك ذي تدور عالحنق=لنّك بغيت المشتري بالغصب والقوه يبيع
ماتعرف ان الحلف قد كّونه ذي ساكن عتق=واكيد تالي المرحله يالمخشني لازم تطيع
هذا الخليفي نعرفه لا قد هرج ولّا نطق=الارض تتزلزل وثورك باينذي بالقطيع
وعميد شعار السقيفه قده عاراسك دحق=مسكين يالبقار شفهم بايخمعونك خميع
احسن لك استسلم ويكفي من خباله يالحمق=مادام عاد الدرب يالبقار قدامك وسيع
لا لا تحدى شبو واهل ارحاب ياشيخ السرق=انته ويا راعي المسب ذي هو بيفقعلك فقيع
(( جواب الشاعر حسن باقديم ))
يابني هلال الخط والمقراء عكي وسط الورق = والخيط في المغزل وفي الحوكه تعكى عاالصنيع
وان شي تعكى واشتكل في ذه وذك والفكر رق = يعبر مثيل الغيث والرحمه ونافوف الربيع
ذي عاالامانه جوعوا لا كباد في جوف الغسق = ومعا ظهور الفجر والاصباح والنور البديع
فرضوا وصلوا والتقاء يمحي خطاهم والوهق = ولهم ودائع عند رب الكون حاشا ماتضيع
ودائع اهل الخير والتقوى لها سهم انطلق = لا منبر الرحمن مولى الفضل والغوث السريع
وقلوبهم وكبادهم ( مشتل ) الى جاها ودق = فاحت بمايرضي كريم الوجه والسيد الشفيع
والثانيه قلبي تنشط حين شم سبر العلق = بلجيك يتقطب في النقضه وفي الرده فليع
من جيت له رحمه حسبني ويل وجهنم نغق = وعلى نغيقه جوه ذي مثله وردوني لكيع
والصفوا للسفله يبرح لا هرج ولا نطق = والحر يقاسي الويل يااهل الشبيكه والبقيع
من شركل غاسق وقب يحمي حنا رب الفلق = وعلى النفاق الشين ذي مثلي ومثلك مايطيع
قولوا لمن زل الطريق الهاديه منها فرق = كم من منحس غابت ادقاله في البحر الشنيع
قايس وعادك في النفس من قبل تشتد الحلق = كنبلك استر بك وكرسييك وكوزك والوضيع