[باعقيل]

اقتباس : المشاركة الأصلية كتبت بواسطة حنطبه [ مشاهدة المشاركة ]

بلادي حرها هذه السنه يلفح = وفيها البرد قارس ينخر العظمان وع الزبره المخالع ليش ماتنقح = وأسبابه الحدد في فخر وتمنان نجرنا تغيروا وعيونهم تكلح = إلى مولى الذهب الصائغ الفنان فيين الحضر ذي تضوي وذي تسرح = وراء ماتحركوا من خنت العيدان عيال البادية ع الجول تتقزح = ولامعاهم خبر إن المقام إهتان حبايبنا دول في البعد تتشبح = وفي كل يوم كم تتدرج الاكفان حمول الشيخ عاده ماوصل موجح = ولابظني يعدي شبر بن عيفان ومن بيده القلم بالصدق مايفصح = ويمدح من جيوبه قرشها حنان رجاجيل الدرك بشان تتسلح = وشبعوا ضرب ع الفاضي وع المليان وخلفوا كلهم توجيه بادحدح = ولاهم حافظوا ع تركة الشيبان كلاب الغرب في ودياننا تنبح = ولابها شي قهد تعوي في الوديان حمامه ميحت والصقر ماميح = تغير جونا من حركة الغربان وفي بحر العرب حيتانهم تسبح = ولامعانا شبك وقطوب للحيتان جمالي تكرسعت والطارفي يذبح = وبوسته يحف في أمن وطمئنان متى عطر الشهامه بيننا ينفح = يعبق أرض كانت مرتع الفرسان ؟.

وفيت وكفيت يابوعمر قصيدتك روعة .....وكلامك حلو نتمى من الله الهداية و التوفيق وصلاح العباد .
صبرك عاد الكبير عالناس يصلح=كل شئ بأمره يفعل عظيم الشأن