انستنا ياحضرمي الزين=يالسهلبي يابو العيون السود
ياسحر رباني بلا تلوين =غاني برسم الخالق المعبود
فيك الحلا والزين تم=كامل متمم محترم
حلو الباقة والأدب=
انست يازين العرب=
مضواك من بعد الجفاء والبين = نسم فؤاد العاشق المكبود
اهلاً وياسهلاً ومرحبتين=بانبسط بك بيننا موجود
في أجمل اوقات النسم= الخود من حولك خدم
ياتاج وفصوصك ذهب=
انست يازين العرب=
فيك النظر ياعاكف الرمشين= ينشي سحب في خاطري ورعود
كل مابرق بارق بوسط العين= نسنس على صدري هبوب النود
يطفي جروحي والألم= يمحي ويجلي كل هم
بعد المشقه والتعب =
انست يازين العرب=
فرحة بكم ياناقش الكفين= تشفي وجع في خاطر المارود
بانفتح السدة على بابين = والدار مرشوشه بدهن العود
سر من هنا لمان ثم=حنة بخلخال القدم
يرقص لها قلبي طرب=
انست يازين العرب=