[الخليفي الهلالي]

اقتباس : المشاركة الأصلية كتبت بواسطة حسن محمد سالم باقديم [ مشاهدة المشاركة ]

صباحك وممساك خير ورزق وعافيه وصحه وطول عمر في طاعته ورضاه يانسل لاجواد كنت بارد عليك معا ردي للاديب سالم علي زحمونا خلق من الجيران متنازعين قصدوا باقديم واهل سلوك الفضاء ياخليفي متنازعين والبركه تنتزع من النزاع ... ومانقول لك يابوجمال الا غالي وغالي وقدرك عظيم يانسل الاجواد وخذ فصل من خوك سئلوا الرسول ( صلى الله عليه وسلم ) من اشد ابتلى يارسول الله فقال الانبياء ثم الامثل الامثل حسب وازعه من الايمان والتقوى ماعليك غبار طهور وبه اجر وماتكثر الرجمات الا على النخوب والشناطيب وبشر الصابرين .... وباقديم يحب يجبر الجميع والمحبه مراتب سطورها في القلوب حمران العيون قريناهم من سطورهم وانت والواقعي خذتوا المرتبه العاليه في قلب باقديم ولاشك في الجاويد الاخرين وللعلم كان عندي الشاعر العم علي سعيد السومحي جاء الشيبه يزور باقديم وذا باسومح ياخليفي من العيار الثقيل في الشعر وغيره الا شيبه وصقع الان مسكين لا الموت يخير والباس عطيناه اربع مئه في عرض باسومح وخذلك نبذه من كلام السومحي دوبه سراء الان مره في حراوه العريس من بريره قرية باسومح والعروس من قريه اخرى فرق المسافه نص ساعه بسياره وصبحوا اهل العروس في الردود في زامل والتقاهم باسومح يرحب وقال الف حيا بمن صبح وشرف بلادي = ضيف منقول لاكنه شريك البضاعه عاضميري فرح باالسيل لا سال وادي=قلت لا ياسماء صبي مطر فوق قاعه والمذكر يذكر والمنادي ينادي = قال لي الله الله في صلاة الجماعه والبناء لانطرح عاساس ماكن يمادي=من تصوع لعوده ماندم عاصواعه الضيف المنقول شريك البضاعه يقصد اهل العروس وضيوفهم والصهاره لاانطرحت عاالساس الزين تمادي ولا تندم عاصواعك لاتصوعت لعود زين هذا الشعر وهذا الشاعر لا ركوب موجات باالقوه

كلام مافيه توله وش تباني قول بعد هذا الكلام, لا والله لي العجمه ما أنطق بكلمه؛؛؛؛؛