[حسن محمد سالم باقديم]

اقتباس : المشاركة الأصلية كتبت بواسطة الخليفي الهلالي [ مشاهدة المشاركة ]

يالمقدم أسمح لي اقص عليك هذه القصه والتي حدثت بيني وبين شخص عزيز تحدثنا نحنا وياه عن الهموم والمشاكل وقلت له أنأ أرفض أي شئ مخالف للحقيقه أو فيه غبن أو ظلم على الغير مهما كان حتى لو كان عدوي ..ضحك بل قهقه وقال اسمع النصيحه وقلت وماهي نصيحتك لي..؟ قال... وصتني أمي وقالت لي (وهذا كلامه) ياولدي قع ذره وكل سكر أوقع صبخه وبايفحسوووك وأحترت بين الثنتين ...قع ذره وكل سكر والله ما أقدر عليها أي أن أكون جبان وأسكت على الحق..!! أو صبخة شملول والقع كل من جلس على الشملول وكل ماتحرّك لقعته الصبخه والجالس مايدري وين يدوّر لها في عطف الشملول حتى يفحسها...!! وقلت له هذه نصيحتك...؟ قال نعم.. شفني سكتت يالعميد لما اليوم وشفني محتار بين الخيارين., أن أكون ذره وكل سكر أوصبخه وأفتحس,وأنا الى اليوم لا ذه ولاتاك عاد في الراس تنغيشه جمعة مبارك ياعميد؛؛؛؛؛

وأنا الى اليوم لا ذه ولاتاك

هذه القصيده ل حسن محمد سالم باقديم حررت بتاريخ 17/1/2013م

لا ذه ولا تاك ذه وحله وذك وحلتين=ووحلت بين الطرق مدريت قبل فيين
ضربي كثر هذه الليله من الجبهتين=رميان وسلاب تتقمع له صوت زين
حالوا عليه مثيل الوعل بوخشبتين=بيقسموني وصل ووحلت بين الثنين
ياالواقعي ياشديد الباس والساعدين=دراك عن خوك نومه طار من كل عين
وينام مثل الذي ناموا ونومه ذهين=عينه على النيل والاخرى على الرافدين
يابوجمال القوي بيده قفول الخزين=ونعمه وجواهر الحاجات مايحتصين
قسمك ونعمتك منه تنطح الفرقدين=مثلك ينادي عليه الواد والاخشبين
والارض والحال في وقت الزون لاعتكين=مابا تيمم وهي ثجاج عاالواديين
والغيل هو والكرع موجود في الخلتين=نور البصيره سلاح الحاس في الحالتين
( ردة الى اهلها ) وامر التعراض شين=وش بايفرق حجل عوره ومال القرين