[الخليفي الهلالي]

الخـــــــــــــــــــاتم

العيب فينا نحن قبل أن يعيب فينا الآخرين عليك أن تتخيّل كيف يخاف المسؤلين المحليين من المسؤلين من ابناء شمال الوطن لاحظ الضعف في شخصية كل المسؤولين من أبناء حضرموت امام موظف صغير لايهش ولاينش من ابناء المحافظات الشماليه.هذا عقده (رهاب) يجب أن تعالج وإلا لن يتغير الحال.
قبل فتره ذهبت مع صديق لي للمعسكر لأستلام راتبه وكان برفقتنا شخص آخر وكلاهما من الرتب العليا في الجيش المهم دخلنا المعسكر وسألوا الجماعة عن الشخص المسؤل عن صرف الراتب ورد عليهم عسكري قال عادوا نائم..!!
اداروا ظهورهم للخروج من المعسكر وقلت لهم مالكم قالوا الرجال نيم قلت دقوا عليه خلوه يصحى هذا شغله والساعة الآن عشره وطرقت باب الغرفه التي كان المكيف شغال فيها وصحي الرجال وطلب منا الأنتظار لدقائق وفعلا حضر وأحضر معه رواتب الجماعه واعطاء كل واحد فيهم راتبه وأخذوا الراتب وقاموا قلت لهم ليش ماتعدوا رواتبكم قالوا ذي يعطونا أياه لشله هكذا ردوا علي وبكل بساطه وهنا دخلت معهم في التفاصيل صديقي قال راتبي 73850ريال قلت له عدها رد علي وقال أول حاجه الــ850 ريال هذا أنساها ؛الكسور لايمكن أن يصرفوها لك قلت له كيف ..؟قال هذه عاده عندهم وفي كل المرافق قلت له طيب يمكن جاتك علاوه دورية أو زيادة في الراتب ليش ماتطلب كشف براتبك قال وين الكشف المسؤول المالي ما يخرجه لنا حتى لوطلبناه يتعذر بأي عذر.!
قلت له يصرف لكم راشن من المعسكر شهرياّ عباره عن كرتون دجاج وكرتون فول وكرتون فاصوليا وغيرها هل تاخذها .؟
قال هم يوكلونها واما نحن مانشوف شئ قلت أرجع وطالب بحقك ليش الخوف والأستكانه هذا حق لك يصرف من الجيش
قال أخاف يلقون لي مشكله ,قلت لاتخاف تعال وأنا باتكلم لو أنت مستحي,,
وفعلا تم صرف الراشن له وقالوا له أنت ماتطلب يافندم وإلا كل شئ موجود.وحملنا السيارة وسرحنا.....

العيب فينا يالخاتم مش في حبايبنا؛؛؛؛؛