[بوطفله]

هذه القصيده للوالد حسن محمد باقديم حررت بتاريخ 23/4/2012م

رحنا وجينا ( والعول ) مستغشيين اثيابهم = ومكانهم عاطبعهم والسالفه متعنتين
( شله ) ( بغوا ) ( واّبوا ) ( وزلوا ) نهجهم وادابهم= وتهكموا باالنصح وارشاد الولاه المرشدين
لا نصح من شاعر ولا ارشاد باحث جابهم = ولا مواعظ من كتاب الله وسيد المرسلين
( عن كل هذا الامر صدوا ) واشتموا اربابهم = وباالشعارات الخفيه ( باالرداء ) متسترين
يدنسون الورث والتاريخ سد كتابهم = غاية فشل ( ضعفاء ) ونزعه حاقده متزلفين
صحنا وصاحوا من رداهم طالبين احسابهم = قالوا انتخب ساهم بصوتك في سعوف الناخبين
( حوري ودوري ) عاالخريبه والعول واذنابهم = داروا عجلهم حيث ماضلت مست ياغافلين
الامر واضح ( ياالخليفي ) والدلل بعقابهم = والشور هو والامر في يد البغاه المفسدين
بانت بواينهم وكلن شافهم ودراء بهم = ربك هتكهم ذلهم سد الملأ والعالمين
عاكل حجه صادقه تكثر نبيح اكلابهم = ومن الطريق الجاده والرشد ( ولوا ) معرضين
ومن ( معرف ) لا ( معرف ) فاقدين اصوابهم = متبادلين الشتم حرفتهم ونذق الطيبين
الله يمحقهم بما فعلوا ويقطع دابهم = تكاشموا عاالشين ذي لا عقل يرضى به ودين
( ورياض ) وامثاله ومثله وزرهم برقابهم = ونفاقهم والصمت عاالحال الزري فعله مشين
لن يرحم التاريخ حد والصمت مايغرا بهم = ياحسرت الموروث وحماة الثقافه صامتين
( يايردعون ) الوغي هذا يحفظون القابهم = او كل حد ينزع شعاره وتركوهم راتعين
لومه بعنقه ذي بناء النادي وذي اتا بهم = وسمح لهم باالطعن في الشاعر وفي القافي السمين
باطل وزوراً ضعف واضح عددت اسبابهم = اسباب وردائه ( وحقد ) ( وحسد ) به متعاملين
نهج الحضارم وين اين احماتهم واقطابهم = وفيين ( عود الردع ) وايقاف الهزل والفاشلين
هل صابهم وقح الزمن هذا وشايب شابهم = وكل صادق ضاع والوقت ارتقاء باالكاذبين
زاد الرداء والناس تنظرهم وتتهزاء بهم = لا يادريت ناس قدهم في المقابر ميتين
دعها لهم في منتداهم يقرؤون اكتابهم = ( يبغوا ) من اصحاب ( المزق ) ولا من اصحاب اليمين

هذه القصيده ل حسن محمد باقديم حررت في 1/4/2012م

غزوا الشعر قبل الامس صفه جديده = شله على الساحه تدفق بلاها
ناس اعترت من نهجها والعقيده = باعت وراثتها وباعت حياها
اوباش وزنادق وشله بليده = الشعر لم يعرف ويشهد كماها
( سؤال ) لا ارباب العقول الرشيده = هل النوادي في الفضاء تم بناها
لحماية الموروث هو والقصيده = والشعر والنقاد يحموا حماها
هل اسسوها عاالصفات الحميده = وتجل وافدها ويزخر عطاها
بحوار وعبارات جمله مفيده = يرقى بها الحلان لا مستواها
ام اسسوها للسلوك التليده = وتدمر الموروث عامبتغاها
تتوعد الباحث بقبح الوعيده = واديبها مشتوم في منتداها
هل اسست والنهج هذا تريده = او شي دوادع في الخفاء مانراها
( ام هي مصالح ) كزمة الفسل بيده = وامر التسلط لا يفارق رباها
واربابها اهل العلوم النضيده = ( منها خلوا ) من باسها ذي غشاها
ياقوم افيدوني فكاري جهيده = والعين مانامت وعافت كراها
ياقوم جيبوا باالردود الاكيده = دعوه من الداعي اجيبوا دعاها
الشرح ينقح والعول في العضيده = والمروسه تنعش وهم في قداها
والادمي فعل المحاسن تزيده = وقصيرة العقده تبت في خلاها
تفحق عملها والرداء والمكيده = من معصيتها سمها زاد ( داها )
ربك يمحصها ويحرس عبيده = ويعزهم ويهينها من رداها
ضلت لها بعداً وتبقى وحيده = ماجاء لااهل الرجس والبغي جاها
ياقوم فيقوا والمواجع شديده = في راس قايلها وكل من قراها
فيها رداء عاكور واجواء نكيده= ولا عرفنا صيفها من شتاها
والصدق صدقه في اللواح المجيده = ونفاقكم مايجيركم من لضاها
تباً وتب حبل المنافق بجيده = يصلى لهب نيرانها من عصاها
كلين في التاريخ يودع رصيده = مراتب اهل المجد يصعب رقاها
المجد غالي والمراحل بعيده = بعد المرير القار تشرب حلاها
قمصتها ليكم بكسوه جديده = لا اربابها العشاق يامن بغاها
يقدم يغازلها ويسخن حديده = كلين بشطارته يمكن عراها
واما الردي لارادها ماتريده = لو يملك الدنيا ويحوي حواها
ترفضه وتهينه وماله تبيده = متدينه ربك بفضله غناها