[حنطبه]

رقم 51.

للتسامح عند البعض قيمة وتقدير .
إبداء اللين من الآخر دعوة للحوار بدون تطرف ولاعنصرية ,وأي سعي حثيث نحو معرفة الواقع ,والبعد عن الغرف المغلقة سيجد له قبول وترحيب ( شوفوا ياصماصيم نحن نحتاج لهذا ..تسامح وتقارب ومافات فات ونحن عيال اليوم ..آه ليت كم من حمر عين مثل بانصيب !):
قلت :

يابانصيب اللي بدر مني غلط = غلطه إذا كررتها حاسبني
لحظه بلاتدبير فيها العقل شط = ماحد نبهني ولاعاتبني
وحنا خوة والعود لو مرات نط = حصاه جاته في طرافه مني
ماحسبت أنه بايقع عند المحط = كلام من صادق وفي لومني
حسبته إلا طير في الحلقة انتشط = ذلا طلع لي صقر ويقابلني
بعيون حمرا ء واضحة فيها السخط = يبعد ويقرب مابغا يجرحني
ونا أمامه كنت من ثوبي معط = ثوب الزيانه في الملا يسترني
من رحمة الرحمن شفني ماقنط = وطالبك وارجوك إتسامحني

قال بانصيب (رده ):

دمعتي منك سابره ماهي نقط=كلام شافي هدني وأسرني
من قلب صافي ماتردى بالعبط=مقبول عذرك وأنت لو تعذرني
باعيش هاني في سعادة مرتبط=والعفو شيمة غالية تتبعني
ورضعتها من عاد فوق الراس خط=أمي احتوت عندي ولاسابتني
للعيف والمحتال ولكل السقط=وبوي لاقربتهم بعدني
والآدمي لاعاش في أمره وسط=لاشرفك مره كما شرفني
عطني وخذ ماهو من لاك الشنط=أيات من ردي بها تعرفني
وإن شي في المعنى تعكى واختلط=بالقامزي من ديرتك رجعني.