[حنطبه]

رقم 71.
سالم عبدالله المشجري .
قيل : (الشعر لاينبو عن الفكر , مادام الفكر لاينبو عنه )..وقيل : (الشعر يأنف من الواقعي والمحدود والمحسوس ).. رغم كل ماقيل فأنا والأخ الشاعر سالم المشجري حاولنا قدر موهبتنا ملامسة الموضوع الذي طرقناه في مساجلتنا وللقارئ الحكم طبعا .
قلت :
بالحيف والغبن لو شعروا به اصحابي..
ماباسكت بينهم ونفوس مغبونه
ووتبرة العنف مرفوضة وممنوعه .. يامحسن الهرج الحسين
بادرت بمبادرة وضحت كل مابي ..
ومساهن الرد من قايد تعرفونه
ونا مواطن ولي آمال مشروعه
صامت على اقصائي سنين ..
المشجري قال:
في الجمع والطرح لو مادقق احسابي..
مابتحقق لنا حاجات مسهونه
والعفو مطلوب والزلات مرجوعة
لي كدرت صفو الضنين ..
ضاقت حدود السلا في غيبة احبابي ..
والنفس بين الرجاء والياس مرهونه
ماكبر العشق ياسالم وموضوعة
إلا قلوب العاشقين ..
قلت :
ملكت وازداد بالديكور اعجابي _
وحسبت ان البضاعه اصل مضمونه
طلعت بضاعه بارض الصين مصنوعه
من يشتري منتجات الصين _ _
لو هي عطيه ولو هي مكرمه مابي _
منه نطالب بحق وعهود مركونه
والناس للشجب والتنديد مدفوعه
طالت وعود الفاسدين_ _
وصعب في العشف تفتح يالرضي بابي _
العشق نعرف مضامينه وقانونه
والقلب مكلوم والافراح منزوعه
حزين مايسلي حزين_ _
المشجري قال:
سو مابدالك بكونك شخص ايجابي ..
يمكن مساعيك تطفي نار مرشونة
والا توحد شتات أفكار مجموعة
يغلب عليها الحاسدين ..
حطيت ساسي على قمة جبل شابي ..
ماهمني السيل لي غيري يهمونه
السقف مرفوع والعمدان مربوعة
تسلم يدات البانيين ..
واجبي حكم ضميري وملك أعصابي ..
لما كشف حيلة البياع وزبونه
من تحت راسه نزول السهم وطلوعه
والله وخلقه شاهدين ..
قلت :
لا باتغدى به ولاهو باتعشابي ..
عارف مقامي وهم احرار يلقونه
قائد عليهم وان خلوه موسوعة
عسى يفيد الباحثين ..
طالبت هيئات رسمية على ترابي ..
ترصد وتشهد على مشاريع مركونه
والظلم والتفرقة والخبث والصوعه
معروف جاءت لنا وين..
لقيت لي وثق ومشاويف ومرابي ..
لأنني وعل سدك حاني اقرونه
عديت دقم الغبر من كامل افروعه
لي عايسارك واليمين.