[العسيلاني]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

جــــــــــــــــــــواب ومن أجل الحبيبه با نِغِذ السّير في المسرى=عسى با الجود يحفظها من القُبْعان والمهتوف ويا عسيلاننا لُمّا متى وإنته في الغدراء=وتتجاهل حقايق تِجْهِر الأعمى الّذي ما يشوف؟ فلوسك كلّها راحت ضَحَى الجعده معا الصّقره=ولا با يخلّدونك مثل ما الإحسان والمعروف وهذا درس لك وِعْساك با توعيه يا الصّمرَه=وعاد العكبري يطرد قفاكم في حُسُر وِكهوف وإيمانك بربّك يقلب الجمره إلى تمره=تلاقي الذنب كلّه في السّجِل يا بو حمد محذوف ولو تؤمن بربّك ما ارتكبت أفعال جم نكراء=ولا لِبِست الحرير اللّاس وألبست الضّعيّف صوف بطيتوا ... من زمان إمعاد سوّيتوا لنا سمره=دخل رمضان وإنتو عادكم في همرة المصروف معك عذرك تمر بأيّام تكسر ظهركم غبراء=تبات اللّيل في الخشعه وتفطر لا أشرَقَت في حوف زهم عا بن حمد والسّنبلي والشاعر الفرّاء=حمد باقديم بو محمّد يخم الشّعر بالجاروف

بلادي حبها وأعشق سواحلها مع الصحراء = بها با عيش يا بن عمرو في وسط الخطر والخوف
وصحراءها بعيني شوفها خضراء وهي قفراء = وسر حبي لها يالمخشني وسط الحشاء والجوف