[بنت شبامية]

اقتباس : المشاركة الأصلية كتبت بواسطة إحساس حضرمية [ مشاهدة المشاركة ]

:: :: ..،’,.. شبيه الريح وش باقي ..،’,.. شبية الريح وش باقي من الآلام و التجريح وش باقي من الأحلام وش باقي من الأوهام غير اني .. الاقي في هجيرك فيّ الاقي في ظلامك ضيّ و اوقد شمعتي في الريح شبية الريح أنا مقدر أكدر صفوك العاصف شبية الريح أنا من لي سوى إحساسك الجارف بقايا زيف أشواقي سما أمطار أحداقي شبية الريح وش باقي ابي أعرف متى تسكن رياحك وابي أعرف غرورك هو متى يطلق سراحك و ابي أعرف متى تعصف متى تعطف متى تنزف جراحك و ابي أعرف إذا باقي في بحرك موج اكسر فيه مجدافي و ابي أعرف إذا باقي في همك هم ماشالته أكتافي و ابي أعرف إذا باقي في هالدنيا حزن ما مرني و استوطن أطرافي و ابي أعرف إذا باقي من المعجز في هالدنيا سوى العنقاء و الا الغول و الا خلك الوافي بقايا زيف أشواقي سما أمطار أحداقي شبية الريح وش باقي ؟! : . سنيني يم و قلبي المركب المتعب و انت الريح مجاديفي عذاب و هم و زادي الوجد و التبريح و صبري صبر بحّارة بغوا في اليم محّارة غشاهم موج كان من الغضب أغضب و كانوا للهلاك أقرب لولا كثروا التسبيح : . شبية الريح حبيبي الأصدق الأكذب عجزت اوصل شواطي طبعك الأعذب تعبت أنطر في وسط العاصفة قلب و شعور و عاطفة تعبت أجمع ألم كل الموادع في المواني و أحضن أطيافك تعبت السهد في ليل الشوارع و الثواني تنطر انصافك تعبت الظلم و اجحافك شبية الريح أنا ودي أكدر صفوك العاصف شبية الريح أنا كني نسيت إحساسك الجارف بقايا زيف أشواقي سما أمطار أحداقي شبية الريح كيف أسألك : وش باقي ؟ وأنا الباقي من إحساسي ذرته الريح : . :: إحساسـ. ::

الله الله .. اختيار وانتقاء رائع وحساس ..
وطرح على الطريقة والنفس الاحساسي الحضرمي ..
( مشرفتنا المتالقة ) ( احساس ) ..
لاضير في رأيي من تكرار الطرح لأعمال مشهورة وخالدة ..
وكل واحد حسب طريقته وطرحه ونفسه .. يلقيها ويعطيها من احساسه ..
فيغير من طريقة وروح التلقي بطريقته الخاصة ..

وانا عن نفسي كثير ما القيت وطرح لكم واحببت ان تشاركوني السماع والتذوق لأعمال معروفة ومشهورة الاف المرات قدمت وطرحت ..
ولكن لاضير في الاستمتاع والتذوق لها مرارا وتكرارا ..
فالفن الاصيل خالد وباقي ومتجدد ..
تحياتي وخالص شكرا .. طربت كثيرا بهذا العمل .. وبالذات بطرقة واحساس ( احساس ) ..
معذرة عالاطالة ..