ابو طالب يقول حـــالي تـــولع =في العشقه عــسى ربي يعينه
نظرت الريم في الاثمار يرتـــع =ويقطف من ثـــــــــمرعنبه وتينه
رفعت الصوت انا ابغاه يســمع=انادي حــيل الا يا ســــــامعينه
الا سبحان من صوره وابـــدع =كأن الــــــــشهر في طلة جبينه
عيونه نورها كالضوء شعشــع =وخشمه سيف مصلت ناشرينه
خدوده صاغها الــرحمن واودع =كما التفاح لــــــــــيهم زارعينه
ومبسم وسطه البـــراق يلمع =يحاكي الـلول ذيهم نـاثـــــرينه
وعنقه كالزرافه فوق وارفــــع =على الـعشاق عالـــى رافعينه
وصدره ليم فيه لثمـــــار تينـع =الا يابخت ليهـــم قـاطــــــفيينه
وخصره كالابو للنـــوب يلسع =ومش مقتول ذيهم لاسعيـــــــنه
كما الدافور وسط الجوف ولع =ثمان اسنين وعشر مولعينــــــه
وله دوار مثل المدرج واوسع =وتحته فخوذ بيضاء شايليــــــــنه
انا والله من دونه ماباارجــــع=ولو هي حرب تطحنا طحيــــنــه
وصلى الله عالهادي المشفع =عدد ما حن راعدها حنينـــــــــه
وابو طالب شفوا حاله تولـــع =في العشقه عسى ربي يعيــنه
آمل ان تنال استحسانكم