قل دان ع المثلوث والمربوع= من لي لقاه العشق في ربعه
اليوم يمضي بالفراق اسبوع= تبطي تعد ايامه السبعه
من بعد ماقلبي سلي= الهجر نكد خاطري
وتعبت جم من عاذلي =والوقت ظالم مايقدرحالة العشاق
رض يامحب بشرح لك الموضوع =شف كل شي باقي على وضعه
ان قال حاسد او هرج مصقوع=دبر وعطه المسمع الصقعه
لاينشغل بالك بشي= انا معك وانتاه معي
ومن الزمان الّولي= كنا ومازلنا نصون العهد والميثاق
سرك معي في خاطري مطبوع=والقلب لك ماينقلب طبعه
من عشقتك مالي مرد ورجوع =والعشق سكه مابها رجعه
لكن طريقه ملتوي= لاتحسبه با يستوي
إلا لمن قلبه قوي= يتحمل اصناف العناء من شوق وفراق