تحرميني ليه من صوت الكنـاري
قلبـي اللـي يعشقـك لاتحرمينـه
والخدود اللي عليها.. الدمع جاري
ايش باينقصك لمـا تمسحينـه!!!
انتظرت وطال صبري وانتظـاري
ذاب قلبي من كثر شوقه وحنينـه
فيك علقتيه واصبح بـك يمـاري
كان مالـك قصـد بـه لاتعلقينـه
كان صمتي بين هاالعالـم جـداري
اخترقتي الصمت في لحظه ثمينـه
يوم كلمتك.. على حسب اختيـاري
ماكفانـي حرفـك اللـي تكتبينـه
ليتني مااخترت لكـن مستشـاري
في المحبه ..عاطفه.. ماهي رزينه
وبعدها اظهرت ضعفي وانكسـاري
ودون مااشعر صرت في يدك رهينه
غيرك انتِ مابه أي مخلـوق داري
باالذي بينـي وبينـك ياالحسينـه
واوعدك ماجيب لأي انسان طـاري
مهما كان وتبقى اسـرارك دفينـه
بس ابا منك طلب ...لكن حـذاري
الطلب غالـي علـي لاترفضينـه
سمعيني دائمـأ صـوت الكنـاري
وقلبي اللـي يعشقـك لاتحرمينـه
الله عليك ياخالد كل ما اقتبست بيت عشان الرد طلع اللي بعده احلى منه
بصدق وبدون مجامله ويشهد الله
من اروووووع القصايد اللي قريتها هنا
ابدعت ابدعت ابدعت فيها بلا حدود
والله يخلي لك الكناري وصوته يالغالي
تحياتي القلبيه
وصح لسااانك مليون على هذه الجززززله