مساجله بين عمر الذيب وعلي فدعق الهاشمي

[عمر الذيب]

بسم الله الرحمن الرحيم

هذا الموضوع عباره عن قصيده كتبتها وقد قام الشاعر الجليل علي فدعق بالرد عليها
بقصيده رائعه
وقدر رايت انها تستحق ان تنزل على هيئة موضوع
وهذا هي القصيده التي كتبتها انا بيدي

هاجسـي بالله قـال الذيـب تفصلـي=مادام فدعق شدى بالصـوت ولحونـه
بدخل وبوزن وهـو ياريـت يوزنلـي=باقي الدرر لي معه في االراس مخزونه
شفت الدرر شفتها يا الفدعقـي قلـي=مالك ومال الحسـد واللـي يقولونـه
كلن بخله وانـا يـا الفدعقـي خلـي=بيني وبينه مسافه تحـول مـن دونـه
وان قلت يارجل لا عند المحـب شلـي=لقيد بـا اليـد والرجليـن مرصونـه
تعبان قدني دحق واهـرج مـع ظلـي=وان جيت لـلاه كـم اهـات مدفونـه
والدم محروق في جسمي سنـه يغلـي=حر والشرايين مـا قـدرو يضخونـه
والعين تبكي بدم كل يوم نـص كتلـي=من شافنـي مدلـي منديلـه امعونـه
ونبض قلبـي يقـل وهبـوط سببلـي=والطب واهله معـد قـدرو يداوونـه
ان شي دواء عندكم بـا الله ترسلـي=والا الوصيه عمـر لا مـات تنسونـه

**************************

وهذا هو رد الشاعر علي فدعق عليها

يـقـول بـوهـاشـم اهـلاً بـيـك يـالأصـلـي= يـا من لـك الـحـرف أبـدع كامـل إفـتـونـه
يا مرحـبـاً الـف والـمرسـول واصـل لـي =وفـهـمت ما فـيـه وتـحـريـت مـضـمـونـه
مشكاة شـاعـر رمت به موجة الـقـبـلـي =فـي غــربــة الـدار والأوطـان والـمـونـه
في الغربة أهوال جم ماتـرحـم الـمـبـلـي = بالـشـوق لأحـباب طـول الوقت يرجونـه
وفي الغربه الشوق يـنشر طيفه الكحلي =يـشـعـلـل الـنـار ويـمـد عُـمـر طـاحـونـه
من بـعـد يـاطـيـر يالـلـي فـوق مـتـعـلـي= بـلـغ تـحـيــه بـعـطــر الـعـود مـدهــونـه
للصاحب اللي قـصدني الـيـوم مـتـجـلـي =يـشـكي هـمـوم الـهوا والحب وشجونـه
وقـلـه الـلـي يــحـد عـالــمــــر ويــذلـي= الـلـي امـر منه من حاجات مـسـهــونـه
الصبر ياصاح شف ذا الوقت مـخـتـلـي = ولـعـاد تـقــدر تـحـدد شـكـلـه او لــونـه
ولا ضاق صدرك توجه للـعـلـى صـلـي =واذكـر مـحـمـد وآلــه والـعـهـد صـونـه
حاجتك يالذيب يرجع صـعبها سـهـلـي= والـقـلب يـرتـاح من لـوعـته وشطونـه

*******************************

وقد قمت بالرد على قصيدته الرائعه بهذه القصيده

حيا بليهو بنا عالساس بالملي =ساس الهواء والمحبه حكم اركونه
جاب العسل والظبي في الصحن والمغلي= وفى وكفى علي ماجابلي تونه
حقه وله في الهواء لساءلت ترجملي = لنه عميد الهواء واستاذ قانونه
واللول عنده ومنه صنف وردلي = معروف وارده غيره ما يجيبونه
معروف وارده لي بالرغم من جهلي =زكيه واهل السقيفه با يزكونه
تكنت له قبل ما يكتب يتكنلي = وشهادنه خير من دسمال من بونه
لا قلت خذلك ولا هو قال لي هتلي = سددت ديني وهو قد سدد اديونه
فرصه من اول تمناها وهي جتلي =طاب اللقاء بالذي ما يرخص ادخونه
زانة ظروفي وجت فرصه وسمحتلي= بيع السجاره ومز تنباك غليونه
ذا فصل والفصل لاخر يشهدو اهلي = ويشهد الناس عا مكتوب يقرونه
لوني مملين كما بغلف وشربتلي = بحكم علي الشعر له كاسه ومليونه
واهم شي قبل نكتبله ويكتبلي = يهل السقيفه علي واجب تعزونه
حق المخوه علينا كلنا يملي =عبر السقيفه وجواله وتلفونه
في من فقد ذا عزاء للهاشمي فعلي = لهله وناسه وكل من صبة اعيونه
يالله تغفر لها بدعي وبا صلي =تنزل منازل في الفردوس مضمونه

وهذه هي المساجله التي دارت بيننا
واتمنى ان تنال اعجابكم
اخوكم الشاعر عمر الذيب

[علي فدعق الهاشمي]

شاعرنا العزيز

عمر الذيب

صح الله لسانكـ مليوون ولايكفووون

انشهد انك ذيب اِسم على مسمى ولك من اِسمك حظ ونصيب وابياتك درر نفيسه لاتقدر بثمن ولي الشرف بردك الرائع على قصيدتي
((رفقة الطيب)) الذي اوردتها في هذا الرابط
http://www.alshibami.net/saqifa/showthread.php?t=24133
وردك الرائع على ردي ايضاَ وهذا يدل على كرم اخلاقكـ وذوقك الرفيع
كما اشكرك على جهودك الملموسه داخل السقيفة والتفاعل مع شعراء السقيفة

تقبل شكري وتقديري
اخوك
علي فدعق الهاشمي
بوهاشم

[مبروك بن ماضي]

الاخ الشاعر القدير / عمر الذيب
الحقيقة ان حضورك الفاعل قد أثرى سقيفة الشبامي
وبعث على المنافسة وان كنت هنا النجم
ولكن لابأس ان نتعلم من خبرة شاعر بحجمك

صوت وصدى راائعين هذين التي قراتهما
لك وللحبيب علي فدعق
أدامكم الله بهذة القرايح الشعرية الرائعه
سجلوا اعجابي بما قراءة
وتقبلوا تحياتي
أخوكم / مبروك بن ماضي

[عمر الذيب]

اقتباس : المشاركة الأصلية كتبت بواسطة علي فدعق الهاشمي

شاعرنا العزيز عمر الذيب صح الله لسانكـ مليوون ولايكفووون انشهد انك ذيب اِسم على مسمى ولك من اِسمك حظ ونصيب وابياتك درر نفيسه لاتقدر بثمن ولي الشرف بردك الرائع على قصيدتي ((رفقة الطيب)) الذي اوردتها في هذا الرابط http://www.alshibami.net/saqifa/showthread.php?t=24133 وردك الرائع على ردي ايضاَ وهذا يدل على كرم اخلاقكـ وذوقك الرفيع كما اشكرك على جهودك الملموسه داخل السقيفة والتفاعل مع شعراء السقيفة تقبل شكري وتقديري اخوك علي فدعق الهاشمي بوهاشم

العفو اخي
وماعليك زود
اذا كان ردي رائع كما تقول
فاسلوب خطابتك ومفرداتك الجميله
هي اروع مافي السقيفه
اما انا فيشرفني ان اخذ واعطي عبر بحور الشعر مع انسان رائع مثلك
اخلاقا وادبا وشعرا
وتقبل تحياتي
اخوك عمر الذيب

[عمر الذيب]

اولا شكرا جزيلا وثانيا العفو العين ما تعلى
على الحاجب يامبروك لا طعم للكتكات الا في غزلياتك
الرائعه فانا اعتبر نفسي تلميذ يتعلم في مدرستك الغزليه
تقبل تحياتي واحترامي
اخيك عمر الذيب

[النحوي]

تسلمون شعراءنا الأفاضل
ولكم الف شكر على كلماتكم الجميلة

[عمر الذيب]

قصيدة من كتابة علي فدعق الهاشمي

حبيبي غاب ولادري كيـف حالـه=وقاطعنـي وقاطـع فـي وصالـه
وبعض الناس تسكر مـن زبيبـه=((عسى المحبوب له عوده قريبة))
بـالـي دووم يتـذكـر خيـالـه=عساني دووم باقـي وسـط بالـه
دمـوع العيـن بفراقـه سكيبـة=((عسى المحبوب له عوده قريبة))
اِلـه الكـون أبـدع فـي جمالـه=وفي حُسنـة وفـي رقـة دلالـه
سعيد الحظ مـن يصبـح حبيبـه=((عسى المحبوب له عوده قريبة))
يعجبنـي ومعجـب فـي خصالـه=ولانرضـى نبـدل حـد بـدالـه
وقصـه حبنـا قصـه غريـبـه=((عسى المحبوب له عوده قريبة))
انا ما شفـت مثلـه فـي كمالـه=شبيه البـدر ذي شـارق هلالـه
اذا قلبـي شكـى وحـده طبيبـه=((عسى المحبوب له عوده قريبة))
وصوف الحسن قد صارت حلالـه=يغـار الزيـن مـنـه لا بـدالـه
حبيب القلـب لـه طلعـه مهيبـه=((عسى المحبوب له عوده قريبة))
حياتـي ومابقـى منهـا فـدالـه=وراس المـال عـده راس مالـه
ذي في البنك واللي فـي الحقيبـه=((عسى المحبوب له عوده قريبة))
عسى الرحمـن ذي جـل جلالـه=يصونه من عيال أهـل الجهالـه
ومن عـاداه لـه اكبـر مصيبـة=((عسى المحبوب له عوده قريبة))
والختم صلوا على مولى الرسالـة=شفيـع الخلـق واِمـام العـدالـة
وعا صحابه وعا باقـي السلالـة=نجوم الحـق اصحـاب الجمالـة
لهـم افضـال عالدنيـا عجيبـة=((عسى المحبوب له عوده قريبة))

[عمر الذيب]

قصيدتي ((عمر الذيب))

كلام العشق مش بدعه وظلالـه =ولا هو عيب وصفـه وافتعالـه
وصف في الزين لي ماشي يعيبه=عسى المحبوب له عوده قريبـه
علمدانـه ولـحـن البرتقـالـه=علي فدعق وصف احلى غزاله
الاء ياحظ منهي مـن نصيبـه=عسى المحبوب له عوده قريبـه
خفيفـة دم ملهـا فـي الثقالـه=كحيلة طرف ترعى في جبالـه
رهيفـة قـد والقامـه رهيبـه=عسى المحبوب له عوده قريبـه
عطاها نص في نخلـه ومالـه=ولكـن مـا تحقـق لـه منالـه
بعيد الشوف من يقـدر يصيبـه=عسى المحبوب له عوده قريبـه
من المفروض يعلـن الاستقالـه=ويتنـازل ويعطينـي وكـالـه
ولا بنكـره بدفعلـه ضريـبـه=عسى المحبوب له عوده قريبـه
من الـرادار باراقـب مجالـه=علي ماشـي علينـا استحالـه
ابا رخصه وبيدي بـا ضويبـه=عسى المحبوب له عوده قريبـه
علي ماتا من اصحاب الفسالـه=طويل الشرعميزانـي رطالـه
في الكفـه معـد تبغـا كفالـه=وما عندي كتبتـه فـي المقالـه
وذه عادتي شف ما هي غريبـه=عسى المحبوب له عوده قريبـه

__________________

[ساعيش رغم الداء والاعداء]

الاخ الذ يب لك حضور في السقيفه بس يا ليت تتحفنا بقصيده للسقيفه وحلانها

[ساعيش رغم الداء والاعداء]

الاخ الذ يب لك حضور في السقيفه بس يا ليت تتحفنا بقصيده للسقيفه وحلانها