الذئب العاوي

[الذئب العاوي]

هذه قصيده أحببت أن أضعها أمامكم

وهي لشاعرنا السيد حسين أبوبكر المحضار = رحمه الله

يصف القات وحالة أهله

على فكره أحب أنبهكم أن نهاية الشطر الأخير من كل بيت

بكلمة (( ي )) والصحيح الكلمه تنتهي بحرف (( ج ))

لأن كافة أهل المكلا وكافة ساحل حضرموت ينطقون ال ج - ي-


ياخال لا تسمــع كلام أهل الفتن والنرفـــــــــــــزه


لي هـــم يحيكون المصائب كل ساعــه تحت فاي--- فاج


قــــم سم بالرحمــــن والشيطان من قلبك خـــزه


لاتشــــــتري البيعه لا ماشي معك فيها خـــــراي--- خراج


حليت في قصر الجـــــــزيره فندق أهل البرجــزه


تشــرف من الطاقه تشاهد كل من رايح وجــــاي--- مفهومه


تعال لا أحسان عندي باتشــــــــــــــــوف المعجزه


باشــــــــــربك ببسي وباعشيك في الصاله دياي --- دجاج


القـــــات ذلآمثل من برك بعـــــــيره يغـــــــــــرزه


القات ذا بلوى وبعض الناس يسمــــــــونه مزاي--- مزاج


تخسر الخمسين ذلآ ان كان نفســـــــــــك عاجزه


وأن شي معك تسعين من غير القرنفل والحواي--- الحواج


واربع غرش ببسي تكون تحت جنبك جـــــــاهزه


والشرب نص برميل لاسبعه ولا تسعــــــه مياي--- مجاج


والقــــوت ماشي ماغير قصـــــد المــــــزمــــزه


لاهو عسل جــرداني ولاهـو تمر سيئــوني زياي--- زجاج أسم لنوع من أنواع التمور


يخــدلك ويبدلك وأنته شـــاب حـــــــائط تقفـــــزه


ويكســــر الهمـــــــه وبعض أحيان يعمـلك هياي--- هياج


توكله بعد العصر والمغرب تجيك اللعـــــــــــوزه


وفمك معوج وانته مــــــــــاتشوف العـــــــــواي--- عواج


بالقات ما تلحــــــــــق على رتبه ولاشي جــائزه


وانته تروح كل ليله داي على العيــــــدان داي--- داج


والنوم ماشي تمســـــــي العــيون مفــــرقـــــزه


تصــبح كما شيبه في التســــــــــــــعين خـــــاي--- خاج


وأن باتفســـــــــــــخ يحـســـن الله العــــــــــــزه


في باقي العدي تدين من عوض وسعــيد حــاي--- حاج


وأن عـــاده جـــــاهم كـــيدهم هـــو والخـــــــزه


خرج من يدك سـاعتك ودخل بها سوق الحراي--- الحراج


في القــــــات عــــــــيوب جم جبت منها البارزه


الطــب يعـــــرفها لاكن مالها عنده عــــــــــلاي--- علاج


اتمنى انا تنال الاعجاب ولا تنسوا الردود