انا بسألك يالهاجس(بن بريك)

**بن بريك** · 02-29-2012, 12:17 AM

السلام عليكم ورحمة الله وبركاته

انا بسألك يالهاجس

أنا بسألك يالهاجس عسى تفهم في الحسبه = ضرب لي صفر في عشرة بلاء آله ولا جـــــــــوال
مكانك في أبتدائي تدرسون الطرح والقسمه = رصيدك خمس تعشر بالميه في احسن الاحوال
وخل منك الزلب مبعد حفظت الدرس والنسبه = تعلم مننا كل يوم بشــــــــــرح لك حكم وامثال
وكن طالب مهذب منتبه يصغي الى درسه = بغيت ألمس فعولك مابغيت اسمع كثير اقــــــــوال
مكاني مرتفع تعــــــــــرف بأني دوم عالقمه = ولا لك شي أمل تطلع معي ياحـــــــــامل الاثقال
مكانك قاعة الوادي تصب الشـــــاي والقهوه = تجهز يوم بازورك وباســــــــــوي عليك أنزال
لبا منك اشارة يالفتى يا صــــــــاحب الهمة = لبا منك قصيدة كاملة تشــــــــــــــرح لنا الاحوال
وتضرب كم مثل فيها وترجع كل شئ لصله = وسام الشعر بعطيلك اذا غنيت عالمـــــــــــــــوال
اذا انته بالف ب ت ث متى باتملك الحكمه = ولا عندك شهاداتي ولا تملك كثير امـــــــــــــــوال
يبالك كم سنه تدرس بها تتعلم الخطبه = ادارتنا رشيده ماتوضف بلطجــــــــــــــــــــــــــي قتال
كشفت اليوم اسرارك عرفت انك تبا السلطه = وقد بان الذي مخفي ببالك يا طـــــــــويل البال
ادارتنا نظيفه عادها ما تقبل الرشــــــــــــــــوه = ترك منك الحيل ماحد علينا قد قدر يحـــــــتال
ترى الاسلام وصانا بفعل الخير والرحـــــــــــمه = ولا حب الشقى يدخل ولا بدخل معه بسجال
لاني شخص متعلم مسالم واكره الزحــــــــــمه = افيد الناس بعلومي ولانا للهــــــــــــواء ميّال

(بن بريك)
6/4/1433هـ