الناس اجناس

[سبع الليل]

ابديـــــت بك يالله تلـــــبي حاجـــــتي= يابلــكرم والجــود ياالرب الودود
راجــــيك ترحمــــني وتغــــفر زلتي =ياباسط اليـدين تمـــمها بـــجـــود
صلوعلى الهادي الرسول الهاشمي = تعــداد ماهبـــت نسيمات النجــود
سيلام للصـــــفراء وذا واجـــب علي=أسلم علــــيها قبـــل ماخط البنود
من عند شاعر قال يانفس اصـبري= وتصبري عالبعد والحال النكود
من فارق اوطـــانه لمن بايشـــتكي=يشكي من الفرقه وعاده في الحدود
ماهو رضى للنفس ذا غصباء علي=من لي جرى فيها يحوش بالكبود
من يوم قامت حضرموت هيذيك هي= ماحد حكمها غير يافع والزيود
ماأهلها شردوا وحذفوا بالعصي=وتهيموا في أرض ياوه والهنود
وعاشروالطيب وسكتوا عاالردي=فسحوا في الناقه وفي راس القعود
وحد في الدوحه وحد في بوظبي=ولعاد هو داري يعود او مايعود
قصده يعين ارض مصدرها قوي=ويبعد من الدوشه وحنات الرعود
والارض خلوها لبو مزيد علي=يوكل على شقين ويتنخد بعود
اعمارهم عبرت كما ماشي توي=وعقولهم عند التجاره والنقود
غرتهم الاموال والعيش الطري=وتمسكو في حبل مطلوق العقود
حد منهم حاقد بذي مايستحي= مغتر بنفسه حاسب انه باعبود
ان حد تكلم قالوا ايش قال الصبي=نسيو اصالتهم وتربات الجدود
ياريتهم يدرون بالي بايجي =بعد المرق واللحم باتبراء الجلود
ولعاد باتنفع غترهم والحذي= لاحرت البيضاء تبلدن البلود
والختم باصلي على طه النبي=تعداد ماهبت نسيمات النجود

[سبع الليل]

نرجو من الاخوه المشرفين تنسيق القصيده مشكورين

[عبدالقادر صالح فدعق]

ياسلام عليك شاعرنا سبع الليل ..

تقبل شديد إعجابي ..

تم التنسيق ..

.

[سبع الليل]

ماقصرت ولاباتقص ولا انت من اهل التقاصير
الله يجزاك خير ومشـــــــــــــــــــــــــــــــــكور

[الشبامي]

شاعرنا الكبير سبع الليل
بارك الله بك
وصح لسانك ياشاعرنا المبدع ،،

[خالد بن مهنا]

صح لساااااااااااااانك ياشيخ ..كلام جميل جدأ..تقبل مروري وكل تقديري واحترامي,,
اخيك/خالد بن مهنا

[أحمد العمودي أبوفيصل]

الاخ سبع الليل
القصيده جميله جدا لكن
اشوفك تحاملت على ريسك علي
ياخي الكريم الريس قدم ماوفي وسعه ولازام يقدم وسيضل يقدم
وبصراحه من يوم جو الزيود وحضرموت في خير فاصبحت درره تلألي وهذا بفضل الله
قم بفضل الزيود حسب لهجتك فالزيود فتحولك المطاعم والورش والمخابز وكافة الاعمال الحرفيه
على مدار الساعه وبسواعدهم هم الذي عمروا حضرموت
فاحمد ربك على هذه النعمه فهولاء اخواننا واهلنا ومننا وفينا
نسيت ايام الحضارم اذا ماخذت لك روتي الشاعه اربعه العصر تبيت بدون عشاء
المطاعم المغرب تصكر
وكل شي معدوم راجع حسابك شوي
اما الذي يتكبر فهو يستاهل الكبره لله والحسد شين
اتمنى لك من كل قلبي التوفيق

[سبع الليل]

لي تشوفه يارفيقي مابغينا الا رضاك=بس لاتزعل علينا كل شي يجي بالرضى

[الماسه*]

اقتباس : المشاركة الأصلية كتبت بواسطة سبع الليل [ مشاهدة المشاركة ]

ابديـــــت بك يالله تلـــــبي حاجـــــتي= يابلــكرم والجــود ياالرب الودود راجــــيك ترحمــــني وتغــــفر زلتي =ياباسط اليـدين تمـــمها بـــجـــود صلوعلى الهادي الرسول الهاشمي = تعــداد ماهبـــت نسيمات النجــود سيلام للصـــــفراء وذا واجـــب علي=أسلم علــــيها قبـــل ماخط البنود من عند شاعر قال يانفس اصـبري= وتصبري عالبعد والحال النكود من فارق اوطـــانه لمن بايشـــتكي=يشكي من الفرقه وعاده في الحدود ماهو رضى للنفس ذا غصباء علي=من لي جرى فيها يحوش بالكبود من يوم قامت حضرموت هيذيك هي= ماحد حكمها غير يافع والزيود ماأهلها شردوا وحذفوا بالعصي=وتهيموا في أرض ياوه والهنود وعاشروالطيب وسكتوا عاالردي=فسحوا في الناقه وفي راس القعود وحد في الدوحه وحد في بوظبي=ولعاد هو داري يعود او مايعود قصده يعين ارض مصدرها قوي=ويبعد من الدوشه وحنات الرعود والارض خلوها لبو مزيد علي=يوكل على شقين ويتنخد بعود اعمارهم عبرت كما ماشي توي=وعقولهم عند التجاره والنقود غرتهم الاموال والعيش الطري=وتمسكو في حبل مطلوق العقود حد منهم حاقد بذي مايستحي= مغتر بنفسه حاسب انه باعبود ان حد تكلم قالوا ايش قال الصبي=نسيو اصالتهم وتربات الجدود ياريتهم يدرون بالي بايجي =بعد المرق واللحم باتبراء الجلود ولعاد باتنفع غترهم والحذي= لاحرت البيضاء تبلدن البلود والختم باصلي على طه النبي=تعداد ماهبت نسيمات النجود

الله أكبر ..الله أكبر


يزداد اعجابي بروعة ماتكتب باضطراد

مع كل قصيدة جديدة لك!!!


كلمات الأطراء قليلة في حقك!!


تقبلني كما يحلو لك ولا أبالي

[الشبامية]

صح لساااااانك وعلا شانك

ابيات قمة في الروعة

تحياتى