للأســـــــــــــــف قال الـــــــــوزيري للأســــــــــــــف

[الوزيري]

للأسف قال الوزيري للأسف=غُيّب! ثقال القوم برزولي خفاف
وين الذي يمشون عانهج السلف=يدعون للوحده ونبذوالاختلاف
لاكننا من منعطف لامنعطف=ماشي تحسن قال من جانا وشاف
ماغير حد بالطاريطبل اوبدف=ازعاج والناتج تصحرمع جفاف
مازاد عن حده مصيره للتلف=لان الحقيقه تشبه اسيوف(ن)رهاف
مليت هذا الحال والمخفي انكشف=وايقنت ان لازم علينا الاعتراف
من يخفي الظاهرمصيره ينحرف=عالدين والاداب ناوي الالتفاف
ياليت نرفع صوت واحد قف قف=يالظلم لي تزحف ولانسكنت نخاف
وانقول ان الطيب ولىّ واختلف=لي كان يقبل من حلولك دون (هاف)!
لان التمادي زاد صفحات الملف=واهل العقول النيره بتقول كاف !
ياكثرماوعدتوا ولكن قد خلف=لي بايخلصنا من السبع العجاف
نصبرولانبغى نخرّب كل صف=ندعي للم الشمل نطلب الاصطفاف
لكن مل الناس والجالس وقف=ينظم هجاء الاشعاريوزن كل قاف
ويقول ماشافه وكل ماقد عرف=بابيات فيها النقد جم قاسي وجاف
عدا زمان المدح حتى النبع جف=لي كنت قوله كل ماحظرتك طاف
ياكم وصفنالك وكل شاعر وصف=ماضيك واعطيناه حقه بالهتاف
واليوم مابيَّن لمستقبل طرف= ويعوم مركبنا ونخشى الانجراف
كله سببه العنجهيه والصلف=غيّبه مدح الشعرجاب الانحراف
لما متى عالحال هذا والترف=محصوربس فيكم وياكثر الضعاف

[عيون المكلا]

نرحب بالغائب الحاضر
رمزية مذهلة وعمق في المعنى وتغيرات في الموقف
تسلم ويعطيك العافيه
لاهنت ودمت بكل ود
سعيده بحضوري سعادة لاتوصف

[طالب النعماني]

قصيده رائعه جدا
ومن طول الغيبات جاب الغنايم

[الشبامي]

اقتباس :

نصبرولانـبـغـى نـخــرّب كــــل صــــف***ندعي للم الشمل نطلـب الاصطفـاف

بورك فيك اخي الوزيري
واهلا بك في سقيفتك

[عبدالقادر صالح فدعق]

أخي الوزيري ...

سلمت يمينك وقلمك وفكرك ..


تقبل كل ودي وتقديري ..

..

[لهيب الثلج]

اخي الوزيري تسلم يمناك _ ويسلم الي على الطيب رباك
][][§¤°^°¤§][][لهيب الثلج][][§¤°^°¤§][][

[باسالم]

:::::::::::::::::::الوزيري :::::::::::::::::::::::
قصيده لاتحتاج الى ثناء لانها رائعه
لكن ليتك وضعت اصبعك على الجرح بدون ترميز
ولماذا لاتتكلمون بوضوح وتقولون للمخطئ اخطئت
نراكم تتفرجون على كل مايحدث هنا والكل يلتزم الصمت حتى المشرف العام
ليتك تقول حتى لوكان المخطئ انا مقبول كلامك يالشيخ
وننتظرك في الزامل

[علي فدعق الهاشمي]

الشاعر الفذ

الوزيري

بوفيصل

ياهلا والله وياهلا بزين القصيد معك مشتاقين لك يارجال وين الغيبات ؟؟

سلمت وسلم نبض إحساسك على الابيات الرااائعه الجزلة والدرر الذي مابعدها درر ازاد اعجابي بحرفك وصلابة معناهـ

استمتعت بالحضور واستفدت الكثير من نصك الراااائع دون مجامله

يتقزم قلمي امام نصوصك الشعرية والقول المناسب في الوقت المناسب

صح الله لسانك من محلي اِلى محلك

مودتي لك

[شامخ 2]

جيت مخصوص ادور لك اب اب ايش هذا الكلام الزين

[الوزيري]

اقتباس : المشاركة الأصلية كتبت بواسطة عيون المكلا [ مشاهدة المشاركة ]

نرحب بالغائب الحاضر رمزية مذهلة وعمق في المعنى وتغيرات في الموقف تسلم ويعطيك العافيه لاهنت ودمت بكل ود سعيده بحضوري سعادة لاتوصف

هلا عيون المكلا اشكر مرورك وترحيبك
وهذا ماكنا نخشاه في الماضي
ولكن الكل يفسر حسب مايراه
ويبقى المعنى في بطن الشاعر
ولكن هذه الايام اعتقد انه ظهر جليا