![]() |
#1 |
شاعر السقيفه
![]()
|
![]() بسم الله الرحمن الرحيم
السلام عليكم ورحمة الله وبركاته هذا جواب على قصيده الشاعر باعلي هذا رابط القصيده يابنت الحدد زغردي - سقيفة الشبامي وانا ماشفتها الا قبل اربع ايام وحبيت ارد على باعلي المتغزل في خطيبته لانه هرب خلاها وقلت فيها
اطلبك وادعيك يارحمن رب البشر = يالواحد الفرد تفعل كل منويتها تلطف بنا من حرارة صيف يقدح شرر = وانته الكريم المهيمن وانت سويتها النفع والضر بيدك وانته المنتظر = احمدك واشكرك عد مصبحت وامسيتها ارجو معونتك لا رصو علي المدر = نفضت يدي من الدنيا وخليتها ولعاد صاحب يخابرني ويعطي خبر = ولعاد باشوف ذي بالامس ربيتها ربيتهم في زمن فيه النكد والكدر = منشانهم يعلم الله نار صاليتها ترقص بيسلم على نغم الاذى والضجر = منشانهم اي عقبه قد تخطيتها واليوم خليتهم قدني بيد القدر = في يد من يعلم افعالي وملقيتها رحمتك يامن رفعت اكوانها والقمر = باسط اراضينها واجبالها ارسيتها واخرجت ماها ومرعاها وحب الثمر = وانبتت فيها حدايق غلب واسقيتها من سلسبيلك من المنشي رذاذن مطر = من بعد ماهي رماضي سرعه احيتها وازخرفت لك ولبست لك لباسن خضر = تضحك لوجهك جزا منته تبنيتها ادعيك في ليلة الجمعه بشهر(ن)اغر = اغفر خطايا بسابق عمري القيتها ابليس والغشم قد فرشو بدربي زهر = واليوم نادم وراد الظلم طويتها اغفر وسامح بشهر الصوم كل ماعبر = مالي اماني سوا الرحمه تمنيتها وبعد ذلحين يالهاجس حضر للسمر = الفرض هو والسنن فالمسجد اديتها ذلحين فاضي ولاشي زاد ولا قصر = كل التراويح هي والشفع صليتها ماباقي الا نبا من حضرتك ماصدر = هت لي خبر ايش من قهوه تقهويتها جوب علي قال ملبن يارفيق اندثر = البن معدوم مسوا القشر دقيتها الله كتّب على لجواد وين المفر = قهوتي لول جفل بالقشر مبغيتها الوقت معكوس خلط برّها بالغشر = والناس تجري ورا ساحر وعفريتها اثنينهم كل واحد منهم في شتر = والثوم معاد خوّفهم وحلتيتها ذي نتفو الطاهره من حجر يحيى عمر = بنت الحدد خرجوها غصب من بيتها ياباعلي ليش تبطي منها فالسفر = ان كان تميت حارسها وضفيتها ماتعرف ان هجرتك ذي سببت كل خطر = دبرت تبكي وهي من قهر بكيتها ام العيون الوسيعه والباس الخضر = حلوة جميله وفالعالم ضهر صيتها اربع وعشرين عامل من سنين العمر = قد بعتها للذياب الشهب واهديتها راودني الشك في حبك ترا محتزر = يمكن محبت مصالح قد تقاضيتها لنته محب كان باتصمد بنقع الوصر = باتفني الروح لنته صدق حبيتها يهوين يهوين وين المطرقه والزبر = وفيين شفرتك ذي قد قلت حديتها اغويت بنت الحدد في عشق ماله مقر = في حب فاشل مزيف صدق حطيتها خربت سمعتك وانته من زمن معتبر = روحت تجري ورا شمطا وناديتها عجوز من زام دق يانوس فيها ذفر = وكل عله بها وانته تغشيتها وامراض فيها قديمه معديه للبشر = مابا تصح لو على كل عضو كويتها خليت بنت الحدد واتبعت غبرا الفقر = احرس على ديكها واحرس كتاكيتها والختم ياباعلي خل الزلب والقور = ضيعت شقرا جميله ذي تمنيتها يسلم صالح بن عكعوك بن غانم 18 \ 8 \ 2010 م |
![]() |
![]() |
#2 | ||||||||
ابوراضي
![]() ![]() ![]() ![]() ![]() ![]()
![]() |
![]()
بارك الله فيك يابن عكعوك
جواب رائع وابداع رائع وشهرك مبارك وكل عام وانته بخير يالغالي |
||||||||
![]() |
![]() |
#3 |
شاعر السقيفه
![]()
|
![]()
تسلم اخوي طالب ع المرور
وعلينا وعليك يالغالي |
![]() |
![]() |
#4 |
شاعر السقيفه
![]()
|
![]() الله الله الله فوق فوق يابن عكعوك
شاعر جزل مايجيب الا الجزل اين ماوجد اخي يسلم تلاقي الابداع والتميز في الشعر حليفه اهنيك على هذه الموهبه الشعريه تقبل مروري وسجل اعجااابي بشعرك الجميل موفق بإذن الله ... لك مني أجمل تحية . |
![]() |
![]() |
#5 |
شاعر السقيفه
![]() ![]() ![]()
|
![]()
قصيد جميله وجواب شافي بمعنا الجواب أبدعت يابن عكعوك
وهذا ليس غريب على الشاعر أبن الشاعر الشهير بن عكعوك عليه رحمة الله قصيده من أولها لاأخرها على رتم واحد لم تحس بالفراغ أو الحشو أو ألانحدار بل العكس كل مادخل بالقصيده زادت القوه والمعاني الهادفه وقوت الشعر وهذا ليس بستغرب على شاعر بهامت بن عكعوك لله دره ولنا درره تقبل المرور وسجل الأعجاب وكل عام وأنته بخير |
![]() |
![]() |
#6 |
شاعر السقيفه
![]()
|
![]()
يعجز اللسان عن التعبير امام هذه الرائعه فمهما قلنا لن نفيك حقك يابن عكعوك ومانقول لك الاصح لسانك موفق بإذن الله ... لك مني أجمل تحية .
|
![]() |
![]() |
#7 |
شاعر السقيفه
![]() ![]() ![]()
|
![]()
مساكم الله بالخير
|
![]() |
![]() |
#8 |
حال جديد
|
![]()
صح لسانك يالغالي وعلا شانك
دائماً تاج الشعر ونبراسة .. دمت ودام عزك جواب شافي وابداع رائع تسلم ياجد يسلم وطول الله عمرك |
![]() |
![]() |
#9 |
حال جديد
|
![]()
صح لسانك وعلا وشانك
|
![]() |
![]() |
#10 |
شاعر السقيفة
![]() ![]() ![]() ![]()
|
![]()
كفو يابن عكعوك لله درك وصح لسانك
|
![]() |
![]() |
مواقع النشر (المفضلة) |
|
|
|