نفحة الكازنوف للشاعر حسن مصبح الجمحي

[عيبون]

اخواني حلان سقيفتنا العامره هذه قصيده للشاعر الكبير والصديق

حسن مصبح الجمحي اعجبتني وحبّيت انقلها لكم ويقول فيها

مسّاك بالخير وفراحك ميات الالوف=ياناشر الجعد من فوق المتن والكفوف
وعلى متانك رسلته عاثلاثه صفوف=ياريت لك قلب يرحم ريت عينك تشوف
معزّتك في فوادي ياتريف الكفوف=لك في فوادي محله في علاو الرفوف
وحروف اسمك بقلبي من كبار الضيوف=بالعد خمسه وسر العشق خمسه حروف
لاجيت باقول هالك ماسمحن الضروف=ريت الفرص باتساعد ياحسين الوصوف
ودّي بليله معك في مان ون كان خوف=وبعد حتى رميبي من على راس نوف
او سل سيفك وقطّعني بحد السيوف=العشق رافه وانته كان ماباتروف
كل مايجي من قداكم زين ماهو بعوف=لومتت في ظل حصنك ماعليّا حسوف
مااطيب الموت في حضنك وطعم الحتوف=مصروف في عشقتك قلبي بليّا صروف
القلب والعين والخاطر بجنبك ولوف=يانور عيني عيوني كيف بعدك تشوف
خلّيك فالعين من بين الهدب والدفوف=حالي بسبّك تسمسر يالغزال الهنوف
الناس ترقد ونا من حول دارك نطوف=من خلف جدران بيتك والستر والسقوف
تستنشق الروح منك نفحة الكازنوف= مسّاك بالخير وفراحك ميات الالوف